ന്യൂഡെൽഹി: രാജ്യത്ത് വീണ്ടും കോവിഡ് കണക്കുകളിൽ വർധന തുടരുന്നു. കഴിഞ്ഞ മൂന്ന് മാസത്തിനിടെയുള്ള ഏറ്റവും ഉയർന്ന രോഗവ്യാപന കണക്കുകളാണ് രാജ്യത്ത് ഇന്നലെ റിപ്പോർട് ചെയ്തത്. ഇതിൽ 31 ശതമാനവും കേരളത്തിലാണ്. ഒപ്പം തന്നെ തമിഴ്നാട്, മഹാരാഷ്ട്ര, തെലങ്കാന, കർണാടക സംസ്ഥാനങ്ങളിലും പോസിറ്റിവിറ്റി നിരക്ക് കൂടിയിട്ടുണ്ട്.
രോഗവ്യാപന കണക്കുകൾ കുത്തനെ കൂടുന്ന സാഹചര്യത്തിൽ ജാഗ്രത കൂട്ടണമെന്ന് കേരളം ഉൾപ്പടെയുള്ള സംസ്ഥാനങ്ങൾക്ക് കേന്ദ്രം നിർദ്ദേശം നൽകിയിട്ടുണ്ട്. പരിശോധനകളുടെ എണ്ണം കൂട്ടാനും, രോഗം സ്ഥിരീകരിച്ചവരുടെ ക്വാറന്റെയ്ൻ ഉറപ്പാക്കാനുമാണ് സംസ്ഥാനങ്ങളോട് ആരോഗ്യ മന്ത്രാലയം ആവശ്യപ്പെട്ടിരിക്കുന്നത്.
കോവിഡ് നിയന്ത്രണങ്ങളിൽ ഇളവുകൾ അനുവദിച്ചതിന് പിന്നാലെ മിക്ക സംസ്ഥാനങ്ങളിലും മാസ്ക് ധരിക്കുന്നതിൽ ഉൾപ്പടെ വീഴ്ച സംഭവിച്ചുവെന്നാണ് ആരോഗ്യ മന്ത്രാലയത്തിന്റെ വിലയിരുത്തൽ. ഈ സാഹചര്യത്തിൽ മാസ്ക് ഉറപ്പാക്കാനും സാമൂഹിക അകലം ഉൾപ്പടെയുള്ള മാർഗനിർദ്ദേശങ്ങൾ കർശനമാക്കാനും കേന്ദ്രം നിർദ്ദേശം നൽകിയിട്ടുണ്ട്.
Read also: വിദ്വേഷ പ്രസംഗക്കേസ്; പിസി ജോർജിന് വീണ്ടും നോട്ടീസ്