കാസര്ഗോഡ്: ജില്ലയില് സമ്പര്ക്ക രോഗവ്യാപനം രൂക്ഷമാകുന്നു. കാസര്ഗോഡ് ഇന്ന് 99 പേര്ക്കാണ് പുതുതായി കോവിഡ് സ്ഥിരീകരിച്ചത്. ഇതില് മുഴുവന് പേര്ക്കും സമ്പര്ക്കത്തിലൂടെയാണ് രോഗബാധ ഉണ്ടായത്. ഇന്ന് കോവിഡ് സ്ഥിരീകരിച്ചവരില് ഒരു ആരോഗ്യ പ്രവര്ത്തകനും ഉള്പ്പെടുന്നു.103 പേര് രോഗമുക്തി നേടി ആശുപത്രി വിട്ടു.
ചെമ്മനാട്, കാഞ്ഞങ്ങാട് മേഖലകളിലാണ് കൂടുതല് കേസുകള് റിപ്പോര്ട്ട് ചെയ്തത്. ചെമ്മനാട് 22 പേരും കാഞ്ഞങ്ങാട് നഗരസഭ പരിധിയില് 19 പേരും കോവിഡ് പോസിറ്റീവായി.
ജില്ലയില് ഇതുവരെയായി 4193 പേര്ക്കാണ് രോഗബാധ സ്ഥിരീകരിച്ചത്. ഇതില് 3305 പേര്ക്ക് സമ്പര്ക്കത്തിലൂടെയുമാണ് രോഗം സ്ഥിരീകരിച്ചത്. കൂടാതെ കോവിഡ് ബാധിച്ചവരില് 513 പേര് വിദേശത്ത് നിന്നെത്തിയവരും 375 പേര് ഇതരസംസ്ഥാനത്ത് നിന്നെത്തിയവരുമാണ്. ജില്ലയില് സമ്പര്ക്കവ്യാപനം വര്ധിക്കുന്നത് ആശങ്കക്കിടയാക്കുകയാണ്.