കണ്ണൂർ: കോവിഡ് ബാധിതനായ സിപിഎം കണ്ണൂർ ജില്ലാ സെക്രട്ടറി എംവി ജയരാജന്റെ നില അതീവ ഗുരുതരം. കടുത്ത ന്യുമോണിയക്കൊപ്പം പ്രമേഹവും ഉള്ളത് അദ്ദേഹത്തിന്റെ ആരോഗ്യം വഷളാക്കി. പരിയാരം മെഡിക്കൽ കോളേജിൽ ചികിൽസയിലുള്ള അദ്ദേഹത്തെ തീവ്രപരിചരണ വിഭാഗത്തിലേക്ക് മാറ്റിയിരിക്കുകയാണ്.
ആരോഗ്യ മന്ത്രി കെകെ ശൈലജ ആശുപത്രിയിലെത്തി ഡോക്‌ടർമാരെ കണ്ടു. ജയരാജന്റെ ആരോഗ്യ സ്‌ഥിതിയെക്കുറിച്ച് മുഖ്യമന്ത്രി പിണറായി വിജയൻ നേരത്തെ ആശുപത്രി സൂപ്രണ്ട് ഡോ. കെ സുദീപുമായി ടെലിഫോണിൽ ചർച്ച നടത്തിയിരുന്നു.
തിരുവനന്തപുരത്തു നിന്നും വിദഗ്‌ധ ഡോക്‌ടർമാർ ഉടൻ പരിയാരത്ത് എത്തും. ഒരാഴ്‌ച മുമ്പാണ് ജയരാജന് കോവിഡ് ബാധിച്ചത്.
Also Read: ഹെപ്പറ്റെറ്റിസ് വിമുക്‌ത ഭാവി; സംസ്‌ഥാനതല ഉൽഘാടനം ജനുവരി 27ന്
