കോഴിക്കോട്: ജില്ലകളിലെ നോട്ട് ക്ഷാമം പരിഹരിക്കാന് വിവിധ ദേശസാല്കൃത- സ്വകാര്യ ബാങ്കുകളിലേക്ക് പുതിയ കറന്സികളെത്തി. മലപ്പുറത്തും കോഴിക്കോടുമായി 825 കോടി രൂപയാണ് എത്തിയത്. ഇതില് 500 കോടി രൂപ കോഴിക്കോട് ജില്ലയിലേയും 325 കോടി രൂപ മലപ്പുറം ജില്ലയിലേയും ദേശസാല്കൃത ബാങ്കുകളിലേക്കും ഉള്ളതാണ്.
തിരുവനന്തപുരം റിസര്വ് ബാങ്ക് ഓഫ് ഇന്ത്യയുടെ ശാഖയില് നിന്നാണ് ബുധനാഴ്ച കോഴിക്കോട് റെയില്വേ സ്റ്റേഷനില് കറന്സിയുമായി നാല് വാഗണുകള് ഉള്പ്പെട്ട പ്രത്യേക പാര്സല് വണ്ടികളെത്തിയത്. മലപ്പുറം, കോഴിക്കോട് ജില്ലകളിലെ വിവിധ ബാങ്കുകളില് നിന്നുള്ള പഴയതും കീറിയതുമായ നോട്ടുകളും ഇതേ വാഗണില് രാത്രി ആര്ബിഐയിലേക്ക് കൊണ്ടുപോയി.
Malabar News: തദ്ദേശ തെരഞ്ഞെടുപ്പ്; കാസര്ഗോഡ് കളക്റ്ററേറ്റില് പരാതിപരിഹാര സെല് തുറക്കും
സായുധരായ 300 സുരക്ഷാ ഉദ്യോഗസ്ഥരെ ഒരുക്കി കനത്ത സുരക്ഷയിലാണ് ഇവ വിവിധ ബാങ്കുകളിലെത്തിച്ചത്. റെയില്വേ സ്റ്റേഷനില് പുലര്ച്ചെ മുതല് റെയില്വേ പോലീസിന്റെയും റെയില്വേ പ്രൊട്ടക്ഷന് ഫോഴ്സിന്റെയും എആര് ക്യാമ്പിലെ പോലീസുകാരുടെയും നേതൃത്വത്തിലായിരുന്നു കാവല്.