തൃശൂർ: ജില്ലയിലെ ചാവക്കാട് കടലിൽ മൽസ്യബന്ധനം നടത്തുന്നതിനിടെ വലയിൽ അജ്ഞാത മൃതദേഹം കുടുങ്ങി. ഇന്ന് രാവിലെയോടെയാണ് സംഭവം ഉണ്ടായത്. മൃതദേഹം ആരുടേതാണെന്ന് ഇതുവരെ തിരിച്ചറിഞ്ഞിട്ടില്ല.
കടപ്പുറം മുനയ്ക്കക്കടവ് ഫിൻഷ് ലാൻഡിംഗ് സെന്ററിൽ നിന്ന് മൽസ്യബന്ധനത്തിന് പോയ നൂറുൽ ഹുദ എന്ന ബോട്ടിലെ വലയിലാണ് മൃതദേഹം കുടുങ്ങിയത്. തുടർന്ന് മൃതദേഹം ബോട്ടിൽ തന്നെ കരക്കെത്തിക്കുകയും ചെയ്തു. മൽസ്യ തൊഴിലാളികൾ വിവരം അറിയിച്ചതിനെ തുടർന്ന് പോലീസും സ്ഥലത്തെത്തിയിരുന്നു.
40 വയസ് പ്രായം തോന്നിക്കുന്ന പുരുഷന്റെ മൃതദേഹമാണ് ലഭിച്ചത്. ടിഷർട്ടും പാന്റുമാണ് വേഷം. മൃതദേഹം നിലവിൽ ചാവക്കാട് താലൂക്ക് ആശുപത്രിയിലേക്ക് മാറ്റിയിട്ടുണ്ട്. കൂടാതെ സംഭവത്തിൽ പോലീസ് അന്വേഷണം ആരംഭിച്ചു.
Read also: ജമ്മുവിൽ വീണ്ടും ഏറ്റുമുട്ടൽ; ഒരു ഭീകരനെ വധിച്ചു