ഇടുക്കി: തൊടുപുഴ സ്വകാര്യ ആശുപത്രിയിൽ കോവിഡ് ബാധിച്ച് മരിച്ച കുമളി സ്വദേശിയുടെ മൃതദേഹം മാറി നൽകി. കുമളി അട്ടപ്പളം സ്വദേശി സോമന്റെ മൃതദേഹമാണ് മാറി നൽകിയത്.
വ്യാഴാഴ്ച രാത്രിയാണ് സോമൻ മരിച്ചത്. തൊടുപുഴ ചാഴിക്കാട്ട് ആശുപത്രിയിൽ കോവിഡ് ചികിൽസയിൽ ഇരിക്കെയാണ് മരണം. ഇന്ന് രാവിലെ മൃതദേഹം ബന്ധുക്കൾക്ക് വിട്ടുനൽകി. സംസ്കരിക്കാനായി ശ്മശാനത്തിൽ എത്തിച്ചപ്പോഴാണ് മൃതദേഹം മാറിയ വിവരം ബന്ധുക്കൾ തിരിച്ചറിഞ്ഞത്. സോമന്റെ മൃതദേഹത്തിന് പകരം കോവിഡ് ബാധിച്ച് മരിച്ച മൂന്നാർ സ്വദേശി പേച്ചിയപ്പന്റെ മൃതദേഹമാണ് കുമളിയിൽ എത്തിച്ചത്.
സംഭവത്തിൽ ആരോഗ്യ വകുപ്പിന് പരാതി നൽകുമെന്ന് സോമന്റെ ബന്ധുക്കൾ വ്യക്തമാക്കി. പരാതി ലഭിച്ചാൽ അന്വേഷിക്കുമെന്ന് ജില്ലാ മെഡിക്കൽ ഓഫിസർ അറിയിച്ചു. അതേസമയം, മോർച്ചറി ജീവനക്കാരന് പറ്റിയ പിഴവാണ് മൃതദേഹം മാറാൻ കാരണമെന്നാണ് ആശുപത്രി അധികൃതരുടെ വിശദീകരണം.
Read also: ചികിൽസ മുടങ്ങില്ല; പരിയാരം മെഡിക്കല് കോളേജില് ഡയാലിസിസ് പുനരാരംഭിക്കും
