പാലക്കാട്: പാലക്കാട് ജില്ലാ ആശുപത്രിയില് മൃതദേഹം മാറി സംസ്ക്കരിച്ചു. കോവിഡ് ബാധിച്ചു മരിച്ച പാലക്കാട് സ്വദേശിനി ജാനകിയമ്മയുടെ(75) മൃതദേഹത്തിന് പകരം അട്ടപ്പാടി സ്വദേശിനിയായ വള്ളിയുടെ(35) മൃതദേഹമാണ് സംസ്ക്കരിച്ചത്. സംസ്ക്കാരത്തിന് ശേഷമാണ് മൃതദേഹങ്ങള് മാറിയെന്ന് ബന്ധുക്കള്ക്കും അധികൃതര്ക്കും മനസിലായത്. പിപിഇ കിറ്റ് ധരിച്ചിരുന്നതിനാല് മൃതദേഹത്തെ മനസിലാക്കുവാന് സാധിച്ചില്ലെന്ന് ജാനകിയമ്മയുടെ ബന്ധുക്കള് പറഞ്ഞു.കോവിഡ് പോസിറ്റീവായി മരിച്ച ആളുടെ മൃതദേഹമാണെന്ന് കരുതി, കോവിഡ് മാനദണ്ഡങ്ങള് അനുസരിച്ചാണ് വള്ളിയുടെ മൃതദേഹം സംസ്ക്കരിച്ചത്.
അപസ്മാര രോഗിയായ വള്ളി, വെള്ളത്തില് വീണ് മരിക്കുകയിരുന്നു എന്നാണ് ബന്ധുക്കള് പറയുന്നത്. സംഭവത്തില് അസ്വാഭാവിക മരണത്തിന് പോലീസ് കേസ് എടുത്തിരുന്നു.
Read also: സംസ്ഥാനത്ത് മൂന്ന് ദിവസം കനത്ത മഴക്ക് സാധ്യത; വിവിധ ജില്ലകളില് ഓറഞ്ച്, യെല്ലോ അലര്ട്ട്