ന്യൂഡെൽഹി: കർഷക സമരത്തിനിടെ ചെങ്കോട്ടയിൽ പതാക ഉയർത്തിയ പഞ്ചാബി നടൻ ദീപ് സിദ്ദുവും ബിജെപിയും തമ്മിൽ ബന്ധമുണ്ടെന്ന് മുതിർന്ന അഭിഭാഷകൻ പ്രശാന്ത് ഭൂഷൺ. ബിജെപി ബന്ധത്തിന് തെളിവായി ചില ചിത്രങ്ങളും അദ്ദേഹം പുറത്തുവിട്ടു. സമരത്തിനിടെ ചെങ്കോട്ടയിൽ പതാക ഉയർത്തിയത് തങ്ങളുടെ അറിവോടെ അല്ലെന്ന് കർഷക നേതാക്കൾ വ്യക്തമാക്കിയിരുന്നു.
പ്രധാനമന്ത്രി നരേന്ദ്രമോദി, ആഭ്യന്തര മന്ത്രി അമിത് ഷാ എന്നിവർക്കൊപ്പം ദീപ് സിദ്ദു നിൽക്കുന്ന ചിത്രങ്ങളാണ് പ്രശാന്ത് ഭൂഷൺ ട്വീറ്റ് ചെയ്തത്. ചെങ്കോട്ടയിലെ പ്രവർത്തനങ്ങൾക്ക് നേതൃത്വം നൽകിയതും സിഖ് പതാക ഉയർത്തിയതും സിദ്ദുവാണെന്നും ട്വീറ്റിലുണ്ട്.
This is Deep Sidhu with Modi & Shah. He led the mob at Red Fort today & unfurled the Sikh religious flag there pic.twitter.com/dX9bQjAIim
— Prashant Bhushan (@pbhushan1) January 26, 2021
അതേസമയം ചെങ്കോട്ടയിൽ അത്തരം ഒരു പതാക പാറിയെങ്കിൽ അത് കണ്ടുപിടിക്കേണ്ടത് കേന്ദ്രസർക്കാരാണ്. കിസാൻ സഭക്ക് അതുമായി ബന്ധമില്ല. അക്രമം തള്ളിപ്പറയുമെന്നും കിസാൻ സഭ പറഞ്ഞു. ദീപ് സിദ്ദുവിനു ബിജെപിയുമായി ബന്ധമുണ്ടെന്നും അയാളാണ് അതിക്രമങ്ങൾക്ക് നേതൃത്വം നൽകിയതെന്നും കിസാൻ സഭ കൂട്ടിച്ചേർത്തു.
Read also: വികെ ശശികല ഇന്ന് ജയിൽ മോചിതയാകും