രാജപുരം : കാസർഗോഡ് ജില്ലയിലെ കള്ളാർ പഞ്ചായത്തിൽ 22 പേർക്ക് ഡെങ്കിപ്പനി സ്‌ഥിരീകരിച്ചു. പഞ്ചായത്തിന്റെ പരിധിയിൽ ഉൾപ്പെടുന്ന ചെരുമ്പച്ചാൽ, പൂക്കുന്നം തട്ട്, പറക്കയം എന്നീ പ്രദേശങ്ങളിലാണ് കൂടുതൽ ആളുകളിൽ രോഗബാധ സ്‌ഥിരീകരിച്ചത്‌. രോഗം വ്യാപിക്കുന്നത് കണക്കിലെടുത്ത് രോഗനിയന്ത്രണത്തിന്റെ ഭാഗമായി ആരോഗ്യവകുപ്പ് പ്രതിരോധ പ്രവർത്തനങ്ങൾ ഊർജിതമാക്കിയിട്ടുണ്ട്.
രോഗവ്യാപനം നിലനിൽക്കുന്ന പ്രദർശങ്ങളിൽ ആരോഗ്യവകുപ്പിന്റെ നേതൃത്വത്തിൽ ഫോഗിങ്, ഉറവിട നശീകരണം, ബോധവൽക്കരണ ക്ളാസുകൾ, വെള്ളക്കെട്ടുകളിൽ ഗപ്പി മൽസ്യനിക്ഷേപം, രോഗ ബാധിതരുടെ വീടുകളിൽ കൊതുക് വല വിതരണം എന്നിവ നടത്തി വരികയാണ്.
പഞ്ചായത്തിലെ പൂടംകല്ല് താലൂക്ക് ആശുപത്രി ഹെൽത്ത് ഇൻസ്‌പെക്‌ടർ ഡിസി നിഷോ കുമാർ, ജൂനിയർ ഹെൽത്ത് ഇൻസ്‌പെക്‌ടർ സിപി അജിത്ത് ആശാവർക്കർമാരായ കാഞ്ചന ഗോപാലൻ, ബികെ സരോജിനി എന്നിവരുടെ നേതൃത്വത്തിലാണ് പ്രതിരോധ പ്രവർത്തനങ്ങൾ നടക്കുന്നത്.
Read also : വാർത്തകൾ അസംബന്ധം; ജമീല മൽസരിക്കില്ലെന്ന് മന്ത്രി എകെ ബാലൻ
