ഡെൽഹി: അടുത്തവർഷം ആദ്യം മുതൽ ഡെൽഹിയിൽ ഡീസൽ ഉപയോഗം നിരോധിക്കും. 2023 ജനുവരി ഒന്ന് മുതലാണ് നിരോധിക്കുക. വ്യാവസായിക ഉപയോഗം അടക്കം പൂർണമായാണ് ഡീസൽ ഉപയോഗം തടയുക.
രാജ്യ തലസ്‌ഥാനത്തെ അന്തരീക്ഷ ഗുണനിലവാരം സംരക്ഷിക്കാൻ നിയോഗിച്ച സമിതിയുടേതാണ് തീരുമാനം. ഡെൽഹിയിലെ അന്തരീക്ഷ മാലിന്യ വിഷയം അതീവ രൂക്ഷം ആകാതിരിക്കാൻ ഡീസൽ നിരോധനം അനിവാര്യമാണെന്നാണ് സമിതിയുടെ വിലയിരുത്തൽ.
അതേസമയം ഛണ്ഡീഗഡിൽ പത്ത് വർഷത്തിലധികം പഴക്കമുള്ള ഡീസൽ വാഹനങ്ങൾക്ക് നിരോധനം ഏർപ്പെടുത്തിയിട്ടുണ്ട്. എന്നാൽ ഡെൽഹിയിലേതിന് സമാനമായ ഛണ്ഡീഗഡിന്റെ നീക്കം നിരോധിക്കണമെന്ന് ആവശ്യപ്പെട്ട് കിരൺ ഖേർ എംപി രംഗത്തെത്തി. ഛണ്ഡീഗഡിൽ അന്തരീക്ഷ മലിനീകരണം ഡെൽഹിയേക്കാൾ ഭേദമാണെന്നും നിലവിൽ ഡെൽഹി പാറ്റേൺ കൈക്കൊള്ളേണ്ട സാഹചര്യമില്ലെന്നുമാണ് കിരൺ ഖേറിന്റെ വാദം.
ഛണ്ഡീഗഡിൽ നിലവിൽ 15 വർഷം പഴക്കമുള്ള പെട്രോൾ, ഡീസൽ വാഹനങ്ങൾക്ക് മാത്രമേ ഉപയോഗത്തിന് അനുമതിയുള്ളൂ. കാലാവധി കഴിഞ്ഞാൽ അഞ്ച് വർഷത്തേക്ക് കൂടി വാഹനം ഫിറ്റ്‌നസ് ടെസ്‌റ്റിന് വിധേയമാക്കി പുതുക്കാവുന്നതുമാണ്.
Most Read: സംസ്‌ഥാനത്ത്‌ ഇന്ന് അർധരാത്രി മുതൽ ട്രോളിംഗ് നിരോധനം നിലവിൽ വരും
