മലയാളത്തിലെ ആദ്യ സൂപ്പർ ഹീറോ ചിത്രമെന്ന വിശേഷണവുമായി എത്തിയ ബേസിൽ ജോസഫ് ചിത്രം ‘മിന്നൽ മുരളി’യെ അഭിനന്ദിച്ച് തെന്നിന്ത്യൻ സംവിധായകൻ വെങ്കട് പ്രഭു. ട്വിറ്ററിലൂടെയാണ് അദ്ദേഹത്തിന്റെ പ്രതികരണം.
മിന്നൽ മുരളി സിനിമയിൽ അഭിമാനം തോന്നുന്നുവെന്നും ചിത്രം കണ്ടിട്ട് നിങ്ങളുടെ പ്രയത്‌നത്തെ അഭിനന്ദിക്കുന്നു എന്നും വെങ്കട് പ്രഭു പറഞ്ഞു. ഗുരു സോമസുന്ദരം അസാമാന്യ പ്രകടനം കാഴ്‌ച വെച്ചതായും അദ്ദേഹം പറഞ്ഞു.
Minnal Murali!!! Bow down guys!! What a local super hero origin movie!!! #GuruSomasundaram vera level saar neenga!! I am sure #MarvelStudios or #dccomics will incorporate u guys soon! Way to go!! #MinnalMurali proud????
— venkat prabhu (@vp_offl) December 26, 2021
‘മിന്നൽ മുരളി! ലോക്കൽ സൂപ്പർ ഹീറോയുടെ പിറവിയെ എന്തൊരു മനോഹരമായാണ് ഒരുക്കിയിരിക്കുന്നത്. ഗുരു സോമസുന്ദരം, നിങ്ങൾ വേറെ ലെവൽ. മാർവെൽ സ്‌റ്റുഡിയോസോ, ഡിസി കോമിക്‌സോ നിങ്ങൾക്കൊപ്പം സഹരിക്കുമെന്ന് എനിക്ക് ഉറപ്പുണ്ട്,’ വെങ്കട് പ്രഭു കുറിച്ചു.
ടൊവിനോ തോമസ് സൂപ്പർ ഹീറോ ആയ ചിത്രത്തിൽ പ്രതിനായക വേഷത്തിലാണ് ഗുരു സോമസുന്ദരം. ഇടിമിന്നലേറ്റ് അമാനുഷിക ശക്‌തി ലഭിക്കുന്ന ജെയ്‌സൺ, ഷിബു എന്നിവരുടെ കഥയാണ് ‘മിന്നൽ മുരളി’ പറയുന്നത്.
ഫെമിന, ജൂഡ് ആന്റണി, ബൈജു സന്തോഷ്, മാമുക്കോയ, പി ബാലചന്ദ്രൻ, ഷെല്ലി കിഷോർ, മാസ്‌റ്റർ വസിഷ്‌ട്, ഹരിശ്രീ അശോകൻ എന്നിവരും ചിത്രത്തിൽ അണിനിരക്കുന്നു. ഡിസംബർ 24ന് നെറ്റ്ഫ്ളിക്‌സിൽ റിലീസ് ചെയ്‌ത ചിത്രം നെറ്റ്ഫ്ളിക്‌സ് ഇന്ത്യയുടെ ടോപ് 10 ചിത്രങ്ങളിൽ ഒന്നാമതാണ്.
Most Read: മുഖസൗന്ദര്യം സംരക്ഷിക്കാൻ പ്രകൃതിദത്ത വഴികൾ
