സിഡ്‌നി: തെക്കുകിഴക്കൻ പസഫിക് സമുദ്രത്തിൽ ശക്‌തമായ ഭൂചലനം. റിക്‌ടർ സ്‌കെയിലിൽ 7.7 രേഖപ്പെടുത്തിയ ഭൂചലനത്തെ തുടർന്ന് ഓസ്‌ട്രേലിയ, ന്യൂസിലാൻഡ്, ഫിജി, ന്യൂകാലിഡോണിയ തീരങ്ങളിലും ചില പസഫിക് ദ്വീപുകളിലും സുനാമി മുന്നറിയിപ്പ് പുറപ്പെടുവിച്ചിട്ടുണ്ട്.
ഓസ്ട്രേലിയൻ കാലാവസ്‌ഥാ നിരീക്ഷണ വകുപ്പും എൻഡബ്ള്യുഎസ് പസഫിക് സുനാമി മുന്നറിയിപ്പ് കേന്ദ്രവുമാണ് മുന്നറിയിപ്പ് നൽകിയിരിക്കുന്നത്. ശക്‌തമായ തിരമാലകൾക്ക് സാധ്യതയുള്ളതിനാൽ തീരദേശ മേഖലകളിൽ നിന്നും ആളുകളെ ഒഴിപ്പിക്കണമെന്നും മുന്നറിയിപ്പിൽ പറയുന്നു.
പ്രാദേശിക സമയം വ്യാഴാഴ്‌ച അർധരാത്രിയോടെയാണ് ന്യൂകാലിഡോണിയയിലെ വാവോക്ക് കിഴക്ക് 10 കിലോമീറ്റർ താഴ്‌ചയിൽ ഭൂചലനം ഉണ്ടായത്. ഭൂചലനത്തിൽ കാര്യമായ നാശനഷ്‌ടങ്ങൾ ഉണ്ടായിട്ടില്ലെന്നാണ് വിവരം.
Read also: അന്താരാഷ്‌ട്ര വെബിനാറിന് മുന്നോടിയായി ഇ-ബുക്ക് പുറത്തിറക്കി ആരോഗ്യമന്ത്രി
