പുതിയ ഒരു നേട്ടം കൂടി സ്വന്തമാക്കി ടെസ്ലയും ഇലോണ് മസ്കും. ഒറ്റ ദിവസം കൊണ്ട് മസ്ക് നേടിയത് 2500 കോടി ഡോളറിന്റെ വരുമാന വര്ധനവാണ്. ടെസ്ലയുടെ ഓഹരി മൂല്യം 20 ശതമാനം വര്ധിച്ചതോടെയാണ് മസ്കിന് ഇത്രയും വലിയ തുക ഒറ്റ ദിവസം നേടാനായത്.
ഇതോടെ ലോക സമ്പന്നരുടെ പട്ടികയിൽ ഒന്നാം സ്ഥാനത്തുള്ള ആമസോണ് ഉടമ ജെഫ് ബെസോസും മാസ്കും തമ്മിലുള്ള വ്യത്യാസം കുറഞ്ഞിട്ടുണ്ട്. മസ്കിന്റെ ആസ്തി 174 ബില്ല്യണ് ഡോളറായി വര്ധിച്ചു. ഒരു വര്ഷത്തിനിടെ ടെസ്ലയുടെ ഓഹരി മൂല്യം 20 ശതമാനം വര്ധിക്കുന്നത് ആദ്യമായാണ്.
ലോക സമ്പന്നരുടെ പട്ടികയില് ബെസോസും മസ്കും തമ്മിലുള്ള പോരാട്ടം ശക്തമായി തുടരുകയാണ്. ജനുവരിയില് ബെസോസിനെ പിന്നിലാക്കി മസ്ക് ഒന്നാമതെത്തിയെങ്കിലും ടെസ്ലയുടെ ഓഹരി ഇടിഞ്ഞതോടെ ബെസോസ് സ്ഥാനം തിരിച്ചുപിടിച്ചു. ബെസോസിന്റെ ആസ്തി ഇപ്പോൾ 180 ബില്ല്യണായാണ് ഉയര്ന്നിട്ടുള്ളത്.
National News: ബംഗാളിൽ ജെഎൻയു നേതാവ് ഐഷി ഘോഷ് സിപിഐഎം സ്ഥാനാർഥി