ശ്രീനഗർ: ജമ്മു കശ്‌മീരിലെ ഷോപ്പിയാനിൽ വീണ്ടും ഏറ്റുമുട്ടൽ. സുരക്ഷാ സേനയുടെ വെടിയേറ്റ് ഒരു ഭീകരൻ കൊല്ലപ്പെട്ടതായി കശ്‌മീർ സോൺ പോലീസ് അറിയിച്ചു. ജില്ലയിലെ നൗപോര മേഖലയിലെ നാഡിഗാം ഗ്രാമത്തിൽ സേന തിരച്ചിൽ ആരംഭിച്ചതായി പോലീസ് വക്‌താവ് പറഞ്ഞു. സ്‌ഥലത്ത് പരിശോധനയ്‌ക്ക് എത്തിയ സേനയ്‌ക്ക് നേരെ ഭീകരൻ വെടി ഉതിർക്കുകയായിരുന്നു.
#ShopianEncounterUpdate: 01 #terrorist killed. #Operation going on. Further details shall follow. @JmuKmrPolice https://t.co/jtAtOPyQl7
— Kashmir Zone Police (@KashmirPolice) February 2, 2022
തുടർന്ന് സുരക്ഷാസേന തിരിച്ചടിച്ചു. സംഭവത്തിന്റെ കൂടുതൽ വിവരങ്ങൾ പിന്നീട് അറിയിക്കുമെന്ന് പോലീസ് വക്‌താവ് പറഞ്ഞു. കഴിഞ്ഞദിവസം ഷോപ്പിയാനിലെ അംഷിപോറ മേഖലയിൽ ഭീകരർ പോലീസുകാരന് നേരെ ആക്രമണം നടത്തിയിരുന്നു. ആക്രമണത്തിൽ എഎസ്ഐ റാങ്കിലുള്ള പോലീസ് ഉദ്യോഗസ്‌ഥന് പരിക്കേറ്റിരുന്നു. ഷബീർ അഹമ്മദിനാണ് പരിക്കേറ്റത്.
Read Also: കാറിൽ സഞ്ചരിക്കുമ്പോൾ മാസ്‌ക് നിർബന്ധം; ഉത്തരവിനെതിരെ ഡെൽഹി ഹൈക്കോടതി
