കുൽഗാമിൽ ഏറ്റുമുട്ടൽ; ലഷ്‌കർ ഭീകരനെയും കൂട്ടാളിയെയും വധിച്ചു

കഴിഞ്ഞ ആഴ്‌ച സിആർപിഎഫ് ക്യാമ്പിന് നേരെയുണ്ടായ ഭീകരാക്രമണവുമായി ഇവർക്കു ബന്ധമുണ്ടെന്ന് അധികൃതർ സ്‌ഥിരീകരിച്ചു.

By Senior Reporter, Malabar News
Indian-Army

ശ്രീനഗർ: ജമ്മു കശ്‌മീരിലെ കുൽഗാമിലുണ്ടായ ഏറ്റുമുട്ടലിൽ ലഷ്‌കറെ ത്വയിബ ഭീകരൻ ലത്തീഫ് ഭട്ടിനെയും കൂട്ടാളിയെയും സുരക്ഷാസേന വധിച്ചു. കഴിഞ്ഞ ആഴ്‌ച സിആർപിഎഫ് ക്യാമ്പിന് നേരെയുണ്ടായ ഭീകരാക്രമണവുമായി ഇവർക്കു ബന്ധമുണ്ടെന്ന് അധികൃതർ സ്‌ഥിരീകരിച്ചു.

കുൽഗാം സ്വദേശിയായ ലത്തീഫ് ഭട്ട് പാക്കിസ്‌ഥാൻ ഭീകരർക്കൊപ്പം ചേർന്നാണ് പ്രവർത്തിച്ചിരുന്നത്. പ്രാദേശിക സഹായികളുടെ പിന്തുണയോടെ ദക്ഷിണ കശ്‌മീരിലെ വിവിധ വിമാനത്താവളങ്ങളിൽ മാറിമാറി താമസിച്ചായിരുന്നു ഇയാളുടെ നീക്കങ്ങൾ. 2026ൽ നടന്ന നിരവധി ഭീകരാക്രമണങ്ങളിൽ ഇയാൾക്ക് പങ്കുണ്ട്.

ജൂലൈ 22ന് അനന്ത്നാഗിലെ ലാൽ ചൗക്കിൽ പോലീസ് കോൺസ്‌റ്റബിളിനെ കൊലപ്പെടുത്തിയതും ജൂലൈ 31ന് കുൽഗാമിൽ ഇതരസംസ്‌ഥാന തൊഴിലാളികളെ വധിച്ചതും ഇയാളുടെ നേതൃത്വത്തിൽ ആയിരുന്നുവെന്ന് രഹസ്യാന്വേഷണ വൃത്തങ്ങൾ പറയുന്നു. നവംബർ 11ന് കുൽഗാമിലെ മിർ ബസാറിന് സമീപമുള്ള സിആർപിഎഫ് പോസ്‌റ്റിന്‌ നേരെ ആയുധധാരികളായ രണ്ട് ഭീകരർ വെടിയുതിർത്തിരുന്നു.

ആക്രമണത്തിൽ മൂന്ന് ജവാൻമാർക്ക് പരിക്കേൽക്കുകയും ഇതിൽ ഒരാളുടെ നില അതീവ ഗുരുതരമായും തുടരുകയാണ്. തുടർന്ന് ഭീകരർ സമീപത്തെ വനമേഖലയിലേക്ക് രക്ഷപ്പെടുകയായിരുന്നു. കുൽഗാം ആക്രമണം നടന്ന് 24 മണിക്കൂറിനുള്ളിൽ കിഷ്‌ത്വാറിൽ ഭീകരർ രണ്ട് പോലീസ് ഉദ്യോഗസ്‌ഥരെ കൊലപ്പെടുത്തിയിരുന്നു.

ദച്ചൻ സ്വദേശികളായ രാഷ്‌പൽ കുമാർ (40), ബാബി ചന്ദ് (54) എന്നിവരാണ് വീരമൃത്യു വരിച്ചത്. ഉദ്യോഗസ്‌ഥരെ തട്ടിക്കൊണ്ടുപോയി കൊലപ്പെടുത്തിയതിൽ പങ്കുണ്ടെന്ന് സംശയിക്കുന്ന ഭീകരരെ കണ്ടെത്താനായി സൈന്യവും പോലീസും സിആർപിഎഫും ചേർന്ന് പ്രദേശത്ത് വിപുലമായ തിരച്ചിൽ ആരംഭിച്ചിരുന്നു. പിന്നാലെയാണ് ഇന്ന് ഏറ്റുമുട്ടൽ നടന്നത്.

Most Read| പാറയുടെ മധ്യത്തിൽ മൽസ്യാകൃതിയിൽ കുളം; കൊടും വരൾച്ചയിലും വറ്റാറില്ല!

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE