ലണ്ടൻ: യൂറോ കപ്പ് ഫുട്ബോളിൽ പ്രീക്വാർട്ടർ മൽസരങ്ങൾക്ക് ഇന്ന് തുടക്കം. രാത്രി 9.30ന് നടക്കുന്ന മൽസരത്തിൽ വെയിൽസ് ഡെൻമാർക്കിനെ നേരിടും. അജയ്യരായ അസൂറിപ്പടയ്‌ക്ക്‌ ഓസ്ട്രിയയാണ് എതിരാളി. രാത്രി 12.30ന് വെംബ്ളി സ്‌റ്റേഡിയത്തിലാണ് മൽസരം.
ഒൻപത് പതിറ്റാണ്ട് മുമ്പ് വിക്റ്റോറിയോ പോസോയുടെ കീഴിൽ ഇറ്റലി ടീം കുറിച്ച റെക്കോർഡ് കടപുഴക്കാൻ മാൻസീനിയുടെ സംഘം തയ്യാറാണ്. തുടർച്ചയായി 30 മൽസരങ്ങളിൽ അജയ്യരായ നീലപ്പട പ്രീ ക്വാർട്ടറിലും ഫോം ആവർത്തിച്ചാൽ അത്യപൂർവ റെക്കോർഡ് കൈപ്പിടിയിലൊതുക്കും.
കഴിഞ്ഞ 11 മൽസരങ്ങളിൽ ഒറ്റ ഗോൾ പോലും വഴങ്ങാതെയാണ് അസൂറികളുടെ വിസ്‍മയക്കുതിപ്പ്. ജിയാൻലൂയിജി ബഫണിന്റെ യഥാർഥ പിൻഗാമിയാണ് താനെന്ന് ഗോൾകീപ്പർ ഡൊണ്ണാരുമ്മ തെളിയിച്ചു കഴിഞ്ഞു.
Read Also: സുരേഷ് ഗോപിയുടെ 251ആം സിനിമയുടെ ‘ക്യാരക്‌ടർ ലുക്ക്’ പുറത്ത്; താരത്തിന് ജൂൺ 26 ജൻമദിനം
