ലോകേഷ് കനകരാജ് കമല്‍ ഹാസനെ നായകനാക്കി സംവിധാനം ചെയ്യുന്ന ‘വിക്ര’ത്തിന്റെ ഷൂട്ടിങ് ചെന്നൈയില്‍ പുരോഗമിക്കുന്നു. ചിത്രത്തില്‍ കമല്‍ ഹാസന് പുറമെ ഫഹദ്, വിജയ് സേതുപതി എന്നിവരും കേന്ദ്ര കഥാപാത്രങ്ങളാണ്. ഇപ്പോഴിതാ ഷൂട്ടിങ്ങിനിടെയുള്ള പുതിയ ലൊക്കേഷന്‍ ചിത്രം പുറത്തു വന്നിരിക്കുകയാണ്. ലോകേഷ് കനകരാജ്, വിജയ് സേതുപതി, ഫഹദ് ഫാസില്‍ എന്നിവർ ഒന്നിച്ചുള്ള ചിത്രം ഇതിനോടകം വൈറലായിക്കഴിഞ്ഞു.
ഫഹദിന് പുറമെ നരേന്‍, കാളിദാസ് ജയറാം എന്നീ മലയാളി താരങ്ങളും ചിത്രത്തിലുണ്ട്. മാത്രവുമല്ല മലയാളിയായ ഗിരീഷ് ഗംഗാധരനാണ് പൊളിറ്റിക്കല്‍ ത്രില്ലര്‍ ആയ ‘വിക്ര’ത്തിന്റെ ഛായാഗ്രാഹകന്‍.
‘മാസ്‌റ്ററി’ന്റെ വിജയത്തിന് ശേഷം മറ്റൊരു ലോകേഷ് മാജിക്കിനായുള്ള കാത്തിരിപ്പിലാണ് ഇപ്പോൾ ആരാധകര്‍. ‘ഇന്ത്യന്‍ 2′വിന് ശേഷം കമല്‍ ഹാസന് പ്രധാന വേഷത്തിലെത്തുന്ന ചിത്രം കൂടിയാണിത്. സിനിമയുടെ ചിത്രീകരണം ഒറ്റ ഷെഡ്യൂളില്‍ തീര്‍ക്കാനുള്ള പദ്ധതിയിലാണ് അണിയറ പ്രവര്‍ത്തകര്‍.
അനിരുദ്ധ് രവിചന്ദര്‍ ആണ് ചിത്രത്തിന് വേണ്ടി സംഗീതം ഒരുക്കുന്നത്. ഒരു ആക്ഷന്‍ ത്രില്ലര്‍ കൂടിയായ ചിത്രത്തിനായി പ്രശസ്‌ത സ്‌റ്റണ്ട് കൊറിയോഗ്രാഫേഴ്‌സായ അന്‍പറിവാണ് സംഘട്ടനങ്ങള്‍ ഒരുക്കുന്നത്.
Most Read: കുറഞ്ഞ ഓവര്‍ നിരക്ക് തിരിച്ചടിയായി; സഞ്‌ജുവിന് വീണ്ടും പിഴ
