സുലൈമാൻ മാലിക്കായി ഫഹദ് നിറഞ്ഞാടുന്ന ‘മാലിക്’ ട്രെയ്‌ലർ യൂട്യൂബിൽ റിലീസ് ചെയ്‌ത്‌ 20 മണിക്കൂർ തികയും മുൻപ് 13 ലക്ഷം ആളുകൾ കണ്ടുകഴിഞ്ഞു. അമ്പരപ്പിക്കുന്ന വേഷപ്പകർച്ചകൊണ്ട് ബോക്‌സോഫീസ് തകർത്തു വാരാനെത്തുന്ന ഫഹദ് ഫാസിലിന്റെ പുതിയ ചിത്രമാണ് ‘മാലിക്’.
ഇന്നലെ ഉച്ചയോടെയാണ് ‘മാലിക് മൂവി ഒഫിഷ്യൽ’ എന്ന എഫ്ബി പേജിലൂടെ ട്രെയ്‌ലർ റിലീസ് ചെയ്‌തത്‌. ആദ്യ 12 മണിക്കൂറിൽ ഒരു മില്യൺ കാഴ്‌ചകൾ ക്രോസ് ചെയ്‌ത ട്രെയ്‌ലർ 20ആമത്തെ മണിക്കൂറിൽ എത്തുമ്പോൾ 13,12, 300 പേരാണ് കണ്ടത്. സുലൈമാൻ മാലിക്കായി ഫഹദ് നിറഞ്ഞാടുന്ന ട്രെയിലറിൽ. പലകാലഘട്ടങ്ങളുടെ വേഷപ്പകർച്ചകളും കാണാം. മേയ് 13നാണ് ചിത്രം തിയേറ്റർ വഴി പ്രേക്ഷരിലേക്ക് എത്തുന്നത്.
ലഭ്യമായ വിവരങ്ങളനുസരിച്ച് ഫഹദിന്റെ കരിയറിലെ ഏറ്റവും മുതൽ മുടക്കുള്ള ചിത്രമാണ് മാലിക്. 27 കോടിയോളം മുതൽ മുടക്കിയാണ് ചിത്രം പൂർത്തീകരിച്ചതെന്ന് വാർത്തകൾ പറയുന്നു. 20 വയസുമുതൽ 55 വയസുവരെയുള്ള സുലൈമാൻ മാലിക്കിന്റേയും അയാളുടെ പ്രദേശത്തിന്റെയും ജീവിതമാണ് സിനിമ. ടേക്ക് ഓഫിന് ശേഷം മഹേഷ് നാരായണൻ സംവിധാനം ചെയ്യുന്ന സിനിമയാണ് മാലിക്. ചിത്രത്തിന് വേണ്ടി ഫഹദ് 20 കിലോയോളം ഭാരം കുറച്ചിരുന്നു.
ആന്റോ ജോസഫ് ഫിലിം കമ്പനിയുടെ ബാനറിൽ ആന്റോ ജോസഫ് നിർമിക്കുന്ന ചിത്രത്തിൽ നിമിഷ സജയന്‍ ആണ് നായിക. ജോജു ജോർജ്, ബിജു മേനോൻ, ദിലീഷ് പോത്തൻ, വിനയ് ഫോർട്ട്, ജലജ പതിനെട്ടാം പടിയിലൂടെ ശ്രദ്ധേയനായ ചന്ദുനാഥ് എന്നിവരും അണിനിരക്കുന്നു. പൊളിറ്റിക്കല്‍ ത്രില്ലര്‍ സ്വഭാവത്തിലാണ് സിനിമ. സംവിധായകൻ മഹേഷ് നാരായണന്‍ തന്നെയാണ് തിരക്കഥയും എഡിറ്റിംഗും. ട്രാന്‍സ് പൂര്‍ത്തിയാക്കിയ ശേഷം ഫഹദ് അഭിനയിക്കുന്ന സിനിമയുമാണ് മാലിക്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
