കോഴിക്കോട്: എംസി കമറുദ്ദീന് എംഎല്എ പ്രതിയായ ഫാഷന് ഗോള്ഡ് തട്ടിപ്പ് കേസില് ജ്വല്ലറി ഗ്രൂപ്പ് ഡയറക്ടറെ എന്ഫോഴ്സ്മെന്റ് ഡയറക്ടറേറ്റ് ചോദ്യം ചെയ്യുന്നു. കണ്ണൂര് സ്വദേശിയും പ്രവാസിയുമായ കെ ഷാഹുലിനെയാണ് ചോദ്യം ചെയ്യുന്നത്. കോഴിക്കോട് ഓഫീസിലാണ് ചോദ്യം ചെയ്യല് നടക്കുന്നത്.
നേരത്തെ ഇഡി ആവശ്യപ്പെട്ടിട്ടും ചോദ്യം ചെയ്യലിന് ഹാജരാതെ നിന്നവർക്ക് ഇഡി ഉദ്യോഗസ്ഥര് വീടുകളില് നേരിട്ട് എത്തി നോട്ടീസ് കൈമാറിയിരുന്നു. ഇതിന് പിന്നാലെയാണ് ഷാഹുല് കോഴിക്കോട് ഓഫീസിൽ ഹാജരായത്. രാവിലെ ഒന്പത് മണിയോടെയാണ് ചോദ്യം ചെയ്യല് ആരംഭിച്ചത്.
സാമ്പത്തിക ക്രമക്കേടുകളെ കുറിച്ചാകും എന്ഫോഴ്സ്മെന്റ് ഡയറക്ടറേറ്റ് ചോദിച്ചറിയുക. ആകെ 22 പേര്ക്കാണ് ഹാജരാകാന് ആവശ്യപ്പെട്ട് ഇഡി നോട്ടീസ് നല്കിയത്.
Read Also: താൻ കെപിസിസി പ്രസിഡണ്ട് ആവാതിരിക്കാൻ ചിലർ ഗൂഢനീക്കം നടത്തിയിരുന്നു; കെ സുധാകരന്