ബംഗളൂരു: കർണാടകയിൽ കോൺഗ്രസിന് അനുകൂല സാഹചര്യമെന്ന് മുൻ മുഖ്യമന്ത്രിയും കോൺഗ്രസ് നേതാവുമായ സിദ്ധരാമയ്യ. കര്ണാടകയിലെ രാഷ്ട്രീയ സാഹചര്യങ്ങള് കോൺഗ്രസിന് ഏറ്റവും അനുകൂലമാണ്. വരുന്ന തിരഞ്ഞെടുപ്പില് ഒറ്റയ്ക്ക് ഭൂരിപക്ഷം നേടാം. ഇതിനായി പ്രവര്ത്തകര് ഒറ്റക്കെട്ടായി നില്ക്കണമെന്നും സിദ്ധരാമയ്യ പറഞ്ഞു. ഏഷ്യാനെറ്റ് ന്യൂസിനോടായിരുന്നു അദ്ധേഹത്തിന്റെ പ്രതികരണം.
പുതിയ മുഖ്യമന്ത്രി ബസവരാജ് ബൊമ്മെയ്ക്ക് സ്വതന്ത്രമായി പ്രവര്ത്തിക്കാന് കഴിയില്ല. ബിജെപിയുടെ മണിപവര് ഇനി വിലപ്പോവില്ലെന്നും സിദ്ധരാമയ്യ കൂട്ടിച്ചേർത്തു. അതേസമയം മുഖ്യമന്ത്രി സ്ഥാനമൊഴിഞ്ഞതിന് പിന്നാലെ മകനും ബിജെപി നേതാവുമായ ബിവെെ വിജയേന്ദ്രയെ ബസവരാജ് ബൊമ്മെ മന്ത്രിസഭയില് ഉപമുഖ്യമന്ത്രിയാക്കാന് യെദിയൂരപ്പ നീക്കം നടത്തുന്നതായാണ് സൂചന.
ബിവൈ വിജയേന്ദ്ര യെദിയൂരപ്പയുടെ രാഷ്ട്രീയ പിൻഗാമിയായാണ് നിരീക്ഷിക്കപ്പെടുന്നത്. കർണാടക ബിജെപി വൈസ് പ്രസിഡണ്ടായ വിജയേന്ദ്ര അഭിഭാഷകനുമാണ്. എന്നാൽ യെദിയൂരപ്പ മന്ത്രിസഭയില് ഉപമുഖ്യമന്ത്രിയായിരുന്ന കെഎസ് ഈശ്വരപ്പയ്ക്ക് ഉപമുഖ്യമന്ത്രി സ്ഥാനം നല്കിയില്ലെങ്കില് വലിയ പ്രത്യാഘാതങ്ങള് നേരിടേണ്ടി വരുമെന്ന പിന്നോക്ക സമുദായ നേതാക്കളുടെ മുന്നറിയിപ്പും നിലനില്ക്കുന്നുണ്ട്.
Read also: കനത്ത മഴയിൽ യമുന കരകവിഞ്ഞു; ഡെൽഹിയിൽ പ്രളയ മുന്നറിയിപ്പ്