കൊച്ചി: നവാഗതനായ സന്ഫീര് കെ സംവിധാനം ചെയ്യുന്ന ‘പീസ്’ എന്ന ചിത്രത്തിന്റെ ചിത്രീകരണം പുരോഗമിക്കുന്നു. ജോജു ജോര്ജ് നായകനാകുന്ന ചിത്രത്തില് രമ്യാ നമ്പീശന് കൂടി ജോയിന് ചെയ്യുന്നു എന്നാണ് റിപ്പോര്ട്ട്.
ജോജു ജോര്ജിനെ കൂടാതെ അനില് നെടുമങ്ങാട്, അതിഥി രവി, സിദ്ധിഖ്, ആശ ശരത്ത്, അര്ജുന് സിംഗ്, വിജിലേഷ്, ഷാലു റഹീം, മാമുക്കോയ തുടങ്ങിയവരും ‘പീസി’ല് വേഷമിടുന്നു. സ്ക്രിപ്റ്റ് ഡോക്ടര് പിക്ചേഴ്സിന്റെ ബാനറില് ദയാപരന് നിർമിക്കുന്ന ചിത്രത്തിന്റെ തിരക്കഥ സഫര് സനലും രമേഷ് ഗിരിജയും ചേർന്നാണ്.
കോവിഡ് മാനദണ്ഡങ്ങള് പാലിച്ചു കൊണ്ട് തൊടുപുഴ, എറണാകുളം, കോട്ടയം എന്നിവിടങ്ങളിൽ ചിത്രത്തിൻറെ ഷൂട്ടിംഗ് പുരോഗമിക്കുന്നു. ജുബൈര് മുഹമ്മദ് സംഗീത സംവിധാനം നിര്വഹിച്ചിരിക്കുന്ന ചിത്രത്തിന്റെ ഗാനരചന അന്വര് അലിയും സന്ഫീര് കെയും ചേര്ന്നാണ്.
Read also: ആഷിഖ് അബുവിന്റെ ‘നാരദൻ’ തുടങ്ങി