പൂനെ: എടിഎമ്മിൽ നിന്ന് പണം മോഷ്ടിക്കുന്നതിനിടെ 3.98 ലക്ഷം രൂപയുടെ കറൻസി നോട്ടുകൾ കത്തി നശിച്ചു. ഞായറാഴ്ച പുലർച്ചെ പുനെക്ക് സമീപത്തെ പിംപ്രി ചിഞ്ച്വാഡിലെ ചിഖാലി റോഡിലുള്ള എച്ച്ഡിഎഫ്സി ബാങ്കിന്റെ എടിഎമ്മിൽ നിന്ന് പണം മോഷ്ടിക്കാനുള്ള ശ്രമത്തിനിടെയാണ് പണം കത്തിനശിച്ചതെന്ന് പോലീസ് അറിയിച്ചു.
കറുത്ത നിറം ദേഹമാസകലം പൂശിയ പ്രതികൾ ഗ്യാസ് കട്ടർ ഉപയോഗിച്ച് എടിഎം മെഷീൻ മുറിക്കാൻ ശ്രമിക്കുന്ന സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. എന്നാൽ മെഷീൻ മുറിക്കുന്നതിനിടെ തീപിടിക്കുക ആയിരുന്നു. എടിഎം മെഷീനിലുണ്ടായിരുന്ന പണം കത്തിനശിച്ചതായി പോലീസ് പറഞ്ഞു. കൂടാതെ രണ്ട് സിസിടിവി ക്യാമറകളും ചില ഫർണിച്ചറുകളും നശിച്ചിട്ടുണ്ട്.
Most Read: ധീരജ് വധക്കേസ് പ്രതിയായ കെഎസ്യു നേതാവ് തട്ടിപ്പ് കേസിൽ അറസ്റ്റില്