ആന്ധ്രാപ്രദേശ്: ക്ളാസ് മുറിയിൽ മദ്യപിച്ച് നൃത്തം ചെയ്‌ത അഞ്ച് വിദ്യാർഥികളെ പുറത്താക്കി. ആന്ധ്രാപ്രദേശിലെ കുർണൂൽ ജില്ലയിലെ സർക്കാർ സ്‌കൂളിലാണ് സംഭവം. എട്ട്, ഒമ്പത് ക്ളാസുകളിലെ അഞ്ച് വിദ്യാർഥികൾ മദ്യപിച്ച് നൃത്തം ചെയ്യുകയായിരുന്നു
വിദ്യാർഥികൾ ഉച്ചഭക്ഷണ സമയത്ത് പുറത്ത് നിന്നും മദ്യം കഴിച്ച ശേഷം തിരികെ ക്ളാസിലേക്ക് എത്തുകയായിരുന്നു. തുടർന്ന് അധികൃതർ നടത്തിയ പരിശോധനയിൽ ഇവരുടെ പക്കൽ നിന്നും രണ്ട് മദ്യക്കുപ്പികൾ കണ്ടെടുത്തു.
അച്ചടക്കമില്ലാത്ത പെരുമാറ്റം മറ്റ് കുട്ടികൾക്ക് ദുർമാതൃക നൽകുമെന്ന് ചൂണ്ടിക്കാട്ടി ഉടൻ തന്നെ അധികൃതർ വിദ്യാർഥികളുടെ രക്ഷിതാക്കളെ വിവരമറിയിക്കുകയും തുടർ നടപടിയായി ഇവരെ സ്‌കൂളിൽ നിന്നും പുറത്താക്കുകയും ചെയ്‌തു. സ്‌കൂളിലെ മറ്റ് വിദ്യാർഥികളെ സംരക്ഷിക്കാനാണ് ടിസി നൽകി നടപടിയെടുത്തതെന്ന് പ്രിൻസിപ്പാൾ സക്രു നായിക് വ്യക്‌തമാക്കി.
Read also: ഭരണഘടനയില്‍ മതേതരത്വം ചേർത്ത് ഇന്ത്യന്‍ ആത്‌മീയതയെ ചെറുതാക്കി; ജസ്‌റ്റിസ് പങ്കജ് മിത്തല്‍
