പാരീസ്: ഫ്രഞ്ച് കോടീശ്വരനും റഫാൽ യുദ്ധവിമാന നിർമാണ കമ്പനി ദസ്സോ ഏവിയേഷന്റെ ഉടമയുമായ ഒലിവിയർ ദസ്സോ (69) ഹെലികോപ്ടർ അപകടത്തിൽ മരിച്ചു. വടക്കുപടിഞ്ഞാറൻ നോർമണ്ടിയിൽ ഞായറാഴ്ച പ്രാദേശിക സമയം വൈകുന്നേരം 6 മണിയോടെയായിരുന്നു അപകടം. അവധി ചെലവഴിക്കാനാണ് ഇദ്ദേഹം നോർമണ്ടിയിയിലേക്ക് എത്തിയതെന്നാണ് വിവരം.
വ്യവസായി സെർജെ ദസ്സോയുടെ മകനാണ് ഒലിവിയർ ദസ്സോ. ലെ ഫിഗാരോ (le Figaro) എന്ന പത്രത്തിന്റെ ഉടമയുമാണ്. ഒലിവിയറിന്റെ മരണം വലിയ നഷ്ടമാണെന്ന് ഫ്രഞ്ച് പ്രസിഡണ്ട് ഇമ്മാനുവൽ മാക്രോൺ പ്രതികരിച്ചു. 2002ൽ ഫ്രാൻസിലെ അധോസഭയായ നാഷണൽ അസംബ്ളിയിലേക്ക് ഇദ്ദേഹം തെരഞ്ഞെടുക്കപ്പെടുകയും ചെയ്തിരുന്നു.
Read also: ജോർജ് ഫ്ളോയിഡിന്റെ കൊലപാതകം; നീതി ആവശ്യപ്പെട്ട് ആയിരങ്ങൾ തെരുവിൽ; പ്രതിഷേധം