ന്യൂഡെൽഹി: പെട്രോൾ, ഡീസൽ എന്നിവയുടെ നികുതിവരുമാനത്തിൽ കഴിഞ്ഞ 6 വർഷം കൊണ്ട് കേന്ദ്ര സർക്കാരിന്റെ വരുമാനത്തിൽ ഉണ്ടായത് 300 ശതമാനം വർധന. നരേന്ദ്ര മോദി സർക്കാർ അധികാരത്തിലെത്തിയ ആദ്യ വർഷം (2014-15) പെട്രോളിന്റെ എക്സൈസ് നികുതി ഇനത്തിൽ 29,279 കോടി രൂപയും ഡീസലിൽ നിന്ന് 42,881 കോടി രൂപയുമാണ് വരുമാനമായി ലഭിച്ചത്.
എന്നാൽ 2020-21 വർഷത്തിൽ (2020 ഏപ്രിൽ മുതൽ 2021 ജനുവരി വരെ) പെട്രോൾ, ഡീസൽ എന്നിവയിൽ നിന്നുള്ള നികുതി വരുമാനം 2.94 ലക്ഷം കോടി രൂപയാണ്. കേന്ദ്രസഹമന്ത്രി അനുരാഗ് സിംഗ് ഠാക്കൂറാണ് ലോക്സഭയെ ഇക്കാര്യം അറിയിച്ചത്. പ്രകൃതി വാതകത്തിന്റേത് ഉൾപ്പടെ 2014-15 ൽ 74,758 കോടി രൂപ വരുമാനമായി ലഭിച്ചു. ഈ വർഷം ഇവയിൽ നിന്നുള്ള വരുമാനം 2.95 ലക്ഷം കോടി രൂപയാണ്.
Read Also: അന്താരാഷ്ട്ര വിമാന സർവീസുകളുടെ വിലക്ക് നീട്ടി