ജനുവരി ഒന്നു മുതല് മറ്റ് നെറ്റ്വര്ക്കുകളിലേക്ക് വിളിക്കുന്നതിന് ചാര്ജ് ഈടാക്കില്ലെന്ന് റിലയന്സ് ജിയോ. ടെലികോം റെഗുലേറ്ററി അതോറിറ്റി ഓഫ് ഇന്ത്യ(ട്രായ്)യുടെ നിര്ദേശം അനുസരിച്ചാണ് ജിയോ നിരക്ക് പിന്വലിക്കുന്നത്.
കഴിഞ്ഞ സെപ്തംബര് മുതലാണ് ‘ഇന്റര് കണക്ട് യൂസേജ് ചാര്ജ്'(ഐയുസി)എന്നറിയപ്പെടുന്ന ഈ നിരക്ക് ജിയോ ഈടാക്കി തുടങ്ങിയത്. എന്നാല് 2021 ജനുവരി മുതല് ഇത് നിര്ത്തലാക്കുമെന്ന് ട്രായ് നേരത്തെതന്നെ പ്രഖ്യാപിച്ചിരുന്നു. ഇതോടെ രാജ്യത്തിനകത്ത് ഏത് നെറ്റ്വര്ക്കുകളിലേക്കും ഇനി സൗജന്യമായി വിളിക്കാവുന്നതാണ്.
അതേസമയം 2021 പകുതിയോടെ 5 ജി നെറ്റ്വര്ക്ക് അവതരിപ്പിക്കാനുള്ള തയാറെടുപ്പിലാണ് റിലയന്സ്. നിലിവില് മുകേഷ് അംബാനിയുടെ റിലയന്സ് ജിയോക്ക് 40.6 കോടി വരിക്കാരാണ് ഉള്ളത്. 22 ലക്ഷം വരിക്കാരെയാണ് ഒക്ടോബറില് മാത്രം ജിയോക്ക് വര്ധിപ്പിക്കാന് കൂടുതലായി തങ്ങളുടെ നെറ്റ്വര്ക്കിലേക്ക് കൊണ്ടുവരാന് സാധിച്ചത്.
Read Also: ഫാസ്ടാഗ് സമയപരിധി ഫെബ്രുവരി 15 വരെ നീട്ടി