കോഴിക്കോട്: കരിപ്പൂരിൽ തുടർക്കഥയായി സ്വർണ വേട്ട. മൂന്ന് യാത്രക്കാരിൽ നിന്നായി ഒരു കിലോ മുന്നൂറ് ഗ്രാം സ്വർണമാണ് കരിപ്പൂരിൽ നിന്നും അധികൃതർ പിടിച്ചെടുത്തത്. ഇതിന് 80 ലക്ഷം വില വരും.
പാലക്കാട് സ്വദേശി അർഷാദ്, മലപ്പുറം സ്വദേശി ഉമ്മർ ഹംസ, മുഹദീൻ നവീത് എന്നിവരാണ് സ്വർണം കടത്താൻ ശ്രമിച്ചത്. എമർജൻസി ലാംപ്, മിക്സി, കളിപ്പാട്ടം എന്നിവയിൽ ഒളിപ്പിച്ചാണ് ഇവർ സ്വർണം കടത്താൻ ശ്രമിച്ചതെന്ന് അധികൃതർ അറിയിച്ചു.
കരിപ്പൂര് വിമാനത്താവളത്തിലൂടെ സ്വര്ണ കടത്തു വ്യാപകമാകുന്ന സാഹചര്യത്തിൽ സിബിഐ ഉദ്യോഗസ്ഥര് ഇവിടെ പരിശോധന കർശനമാക്കുകയാണ്. കരിപ്പൂരിൽ കഴിഞ്ഞ ദിവസം 1.22 കോടി രൂപയുടെ 2422 ഗ്രാം സ്വര്ണം ഉദ്യോഗസ്ഥര് പിടികൂടിയിരുന്നു. സംഭവത്തില് അഞ്ച് പേരാണ് അറസ്റ്റിലായത്. മലപ്പുറം സ്വദേശികളായ മൂന്നുപേരും കാസര്ഗോഡ്, മണ്ണാര്കാട് സ്വദേശികളും ആയിരുന്നു ഇവർ.
Malabar News: ജില്ലയിലെ 943 സർക്കാർ കാര്യാലയങ്ങൾ ഹരിത ഓഫീസുകളാവും