കൊച്ചി: നെടുമ്പാശേരി വിമാനത്താവളത്തിൽ സ്വർണം കടത്താൻ ശ്രമിച്ച ഏഴ് യാത്രക്കാർ പിടിയിൽ. ഇവരിൽ നിന്ന് 6.2 കിലോ ഗ്രാം സ്വർണം കൊച്ചി ഡിആർഐ പിടികൂടി. മലദ്വാരത്തിൽ ഒളിപ്പിച്ച് കടത്താൻ ശ്രമിച്ച സ്വർണമാണ് പരിശോധനയിൽ കണ്ടെത്തിയത്.
ഷാർജയിൽ നിന്ന് എയർ അറേബ്യയിൽ എത്തിയ രതീഷിൽ നിന്ന് 1100 ഗ്രാം, ദുബായിൽ നിന്ന് ഫ്ളൈ ദുബായിൽ എത്തിയ കാസർഗോഡ് സ്വദേശി മുഹമ്മദ് അഷറഫിൽ നിന്ന് 579 ഗ്രാം, ദുബായിൽ നിന്ന് സ്പൈസ് ജെറ്റിൽ എത്തിയ പെരിന്തൽമണ്ണ സ്വദേശി അൻസിൽ, മൂവാറ്റുപുഴ സ്വദേശി അസ്ഹർ എന്നിവരിൽ നിന്ന് 1600 ഗ്രാം, സൗദിയ ഫ്ളൈറ്റിൽ ജിദ്ദയിൽ നിന്നെത്തിയ സൈനുൽ ആബിദ്, നൗഫൽ, അബ്ദുള്ള എന്നിവരിൽ നിന്ന് മൂന്ന് കിലോഗ്രാം എന്നിങ്ങനെയാണ് സ്വർണം പിടികൂടിയത്.
നെടുമ്പാശേരി എയർ ഇന്റലിജൻസ് വൃത്തങ്ങൾ തുടരന്വേഷണം നടത്തുമെന്ന് ബന്ധപ്പെട്ട വൃത്തങ്ങൾ അറിയിച്ചു.
Also Read: മലയിൽ അതിക്രമിച്ചു കയറി; ബാബുവിനെതിരെ കേസ്