ധനുഷിന്റെ ആദ്യ ഹോളിവുഡ് ചിത്രമായ ‘ദി ഗ്രേമാനി’ലെ താരത്തിന്റെ ഫസ്‌റ്റ് ലുക്ക് പുറത്തുവിട്ടു. അവഞ്ചേർസ് സംവിധായകർ റൂസോ സഹോദരങ്ങൾ ഒരുക്കുന്ന ചിത്രം ആക്ഷൻ എന്റർടെയ്നറാകും. ജൂലൈ 22ന് നെറ്റ്ഫ്ളിക്‌സിലൂടെയാണ് ചിത്രത്തിന്റെ റിലീസ്.
നെറ്റ്ഫ്ളിക്‌സിന്റെ ചരിത്രത്തിലെ തന്നെ ഏറ്റവും വലിയ ബജറ്റ് ചിത്രമായിരിക്കും ‘ഗ്രേ മാൻ’ എന്നാണ് പറയപ്പെടുന്നത്. 2009ൽ മാർക്ക് ഗ്രീനി എഴുതിയ ‘ദ് ഗ്രേ മാൻ’ എന്ന നോവലിനെ അടിസ്‌ഥാനമാക്കിയാണ് ചിത്രം എടുത്തിരിക്കുന്നത്.
Hope he has a meaty Antoganist role in the movie #TheGrayMan the fact that #Dhanush will be interacting with Evans, Gosling, Ana feels so crazy and exciting at the same time…kudos to @Russo_Brothers for bringing actors across the globe for this biggie. pic.twitter.com/JYUwzYxiF8
— McEnroe (@McEnroe4ver) April 26, 2022
സൂപ്പർ താരങ്ങളായ ക്രിസ് ഇവാൻസിനും റയാൻ ഗോസ്ളിങിനുമൊപ്പമാകും ചിത്രത്തിൽ ധനുഷ് എത്തുക. അനാ ഡെ അർമാസ് നായികയാകുന്ന സിനിമയിൽ വാഗ്‌നർ മൗറ, ജെസീക്ക ഹെൻ‌വിക്, ജൂലിയ ബട്ടർ‌സ് എന്നിവരുമുണ്ട്.
അതേസമയം ചിത്രത്തിൽ ധനുഷ് ഏത് കഥാപാത്രത്തെയാണ് അവതരിപ്പിക്കുന്നത് എന്ന് വ്യക്‌തമല്ല.
*Takes a deep breath*
RYAN GOSLING ? CHRIS EVANS ? ANA DE ARMAS ? DHANUSH ? REGÉ-JEAN PAGE ?
THE GRAY MAN – directed by Anthony and Joe Russo arrives on July 22, only on Netflix!
*BRB, taking more deep breaths* pic.twitter.com/qWl6pEWggL— Netflix India (@NetflixIndia) April 26, 2022
ധനുഷിന്റെ രണ്ടാമത്തെ രാജ്യാന്തര ചിത്രമാണ് ‘ഗ്രേ മാൻ’. 2018ൽ കെൻ സ്‌കോട്ട് സംവിധാനം ചെയ്‌ത ‘എക്‌സ്‌ട്രാ ഓർഡിനറി ജേർണി ഓഫ് ഫാകിർ’ എന്നി ചിത്രത്തിൽ താരം അഭിനയിച്ചിരുന്നു.
Most Read: നേരിട്ടത് ക്രൂരപീഡനം; വിജയ് ബാബുവിനെതിരെ കൂടുതല്‍ വെളിപ്പെടുത്തൽ നടത്തി യുവതി
