കേശസംരക്ഷണത്തിന് പ്രാധാന്യം നല്‍കുന്നവര്‍ പ്രധാനമായും അറിഞ്ഞിരിക്കേണ്ട ഒരുപാട് കാര്യങ്ങളുണ്ട്. ഇവയില്‍ പ്രധാനപ്പെട്ടതാണ് നനഞ്ഞ മുടി കെട്ടിവെക്കരുത് എന്നുള്ളത്. പക്ഷേ അത് നമുക്ക് ഭൂരിഭാഗം പേര്‍ക്കും അറിവുള്ള കാര്യവുമാണ്. എന്നാല്‍ മറ്റ് പല കാര്യങ്ങളിലും ദിവസേന ധാരാളം തെറ്റുകള്‍ വരുത്തുന്നുണ്ട് നമ്മൾ.
വരണ്ട മുടിയേക്കാള്‍ നനഞ്ഞ മുടിക്ക് കേടുപാടുകള്‍ സംഭവിക്കാം. അതിനാല്‍ തന്നെ നനഞ്ഞ മുടിയെ എങ്ങനെയൊക്കെ സംരക്ഷിക്കാം എന്ന് നാം അറിഞ്ഞിരിക്കണം. നനഞ്ഞ മുടിയില്‍ ഒരിക്കലും ചെയ്യരുതാത്ത നിരവധി കാര്യങ്ങളുണ്ട്. അതിലൊന്നാണ് മുടി ചെറുതായി നനഞ്ഞാല്‍ കേളിംങ് ചെയ്യുന്നത് നല്ലതല്ല എന്നത്. ഇത് മുടിയുടെ ആരോഗ്യത്തെ നശിപ്പിക്കുകയാണ് ചെയ്യുന്നത്. കൂടാതെ ഇത് മുടിയുടെ വരള്‍ച്ചക്കും കാരണമാകും.
മുടിയില്‍ എന്തെങ്കിലും ഉപയോഗിക്കുന്നതിന് മുമ്പ് മുടി പൂര്‍ണ്ണമായും വരണ്ടതാക്കുക എന്നത് പ്രധാനമാണ്. നനഞ്ഞ മുടി ചീകരുത് എന്നു പറയുന്നതിന് കാരണം അത് ഏറ്റവും ദുര്‍ബലമായതും കേടുപാടുകള്‍ക്ക് കൂടുതല്‍ സാധ്യതയുള്ളതുമായ സമയമാണത്. വേരുകളില്‍ നിന്ന് മുടി വലിക്കാന്‍ പോലും ബ്രഷിന് കഴിയും. മുടി ഉണങ്ങുന്നത് വരെ കാത്തിരിക്കുക, തുടര്‍ന്ന് ചീകാവുന്നതാണ്.
നനഞ്ഞ മുടിയുമായി ഒരിക്കലും ഉറങ്ങരുത്, എന്നത് ഏറ്റവും പ്രധാനപ്പെട്ട മറ്റൊരു കാര്യമാണ്. കിടക്കയിലേക്ക് പോകുന്നതിന് മുന്‍പ് മുടി ഉണങ്ങിയതാണെന്ന് ഉറപ്പ് വരുത്തണം. ഇല്ലെങ്കില്‍ ഇത് ഒരുപാട് അനാരോഗ്യ പ്രശ്‌നങ്ങളിലേക്ക് നമ്മെ എത്തിക്കും. നനഞ്ഞ മുടിയില്‍ ഒരിക്കലും ഉപയോഗിക്കരുതാത്ത ഉല്‍പ്പന്നങ്ങളില്‍ ഒന്നാണ് ഹെയര്‍സ്‌പ്രേ. നനഞ്ഞ മുടിയില്‍ ഹെയര്‍സ്‌പ്രേ ഉപയോഗിക്കുമ്പോള്‍, ഫലം മുടി പൊട്ടിപ്പോവുക, അല്ലെങ്കില്‍ അത് കൂടുതല്‍ വരണ്ടതാക്കുക എന്നുള്ളതാണ്. അതിനാല്‍, ഹെയര്‍സ്‌പ്രേ പ്രയോഗിക്കുന്നതിന് മുമ്പ് മുടി പൂര്‍ണമായും ഉണങ്ങിയതാണെന്ന് ഉറപ്പാക്കുക.
ചില സ്‌ത്രീകള്‍ക്ക് തലമുടി കഴുകിയതിനുശേഷം ഒരു ബണ്ണില്‍ ഇടുന്ന ശീലമുണ്ട്, പക്ഷേ അതൊരു വലിയ കാര്യമല്ല. നനഞ്ഞാല്‍ മുടിയുടെ ഇലാസ്‌തികത പരമാവധി ആയിരിക്കും, അതിനാല്‍ ഇത് ഒരു ബണ്ണിലോ പോണിടെയിലിലോ ഇടുകയാണെങ്കില്‍, അത് കൂടുതല്‍ പിരിമുറുക്കത്തിന് കാരണമാകുന്നു. കൂടാതെ, തലയോട്ടിക്ക് മുടി ഉണങ്ങിയതാക്കാന്‍ ആവശ്യമായ വായു ലഭിക്കില്ല. തലമുടി സ്വാഭാവികമായും ഉണങ്ങുന്നതിന് ശ്രദ്ധിക്കുക. തൂവാലയില്‍ പൊതിയുന്നത് ഒഴിവാക്കുക. തൂവാലയുടെ പരുക്കന്‍ നാരുകള്‍ നിങ്ങളുടെ നനഞ്ഞ ദുര്‍ബലമായ നനഞ്ഞ മുടിയില്‍ പരുക്കന്‍ ആകാം, ഇത് മുടി എളുപ്പത്തില്‍ പൊട്ടാന്‍ ഇടയാക്കും.
മുടി നനവുള്ളതോ കുറച്ച് മാത്രം ഉണങ്ങിയതോ ആയിരിക്കുമ്പോള്‍ ഒരിക്കലും സ്ട്രെയിറ്റനറുകളും ഉപയോഗിക്കരുത്. മുടി പൂര്‍ണമായും വരണ്ടുപോകുന്നതിനു മുമ്പ് സ്‌റ്റെലിംഗ് ചെയ്യുന്നതിലൂടെ, കേടായതും മങ്ങിയതുമായ മുടിയായി നമ്മുടെ മുടി മാറും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
