കോഴിക്കോട്: കോവിഡ് വൈറസിന്റെ ജനിതകമാറ്റം കേരളത്തിൽ നടന്ന ഗവേഷണങ്ങളിലും കണ്ടെത്തിയതായി ആരോഗ്യമന്ത്രി കെകെ ശൈലജ അറിയിച്ചു. എന്നാൽ, ബ്രിട്ടണിൽ കണ്ടെത്തിയ വൈറസ് വകഭേദത്തിന്റെ ശ്രേണിയാണോ ഇവിടെയും കണ്ടെത്തിട്ടുള്ളത് എന്ന കാര്യം സ്‌ഥിരീകരിച്ചിട്ടില്ല. കൂടുതൽ ഗവേഷണങ്ങൾ നടക്കുകയാണെന്നും മന്ത്രി പറഞ്ഞു.
ബ്രിട്ടണിൽ നിന്നെത്തിയ 8 പേർക്ക് കോവിഡ് സ്‌ഥിരീകരിച്ചിട്ടുണ്ട്. ഭയപ്പെടേണ്ട രീതിയിലുള്ള വ്യാപനം കേരളത്തിൽ ഉണ്ടായിട്ടില്ലെന്നും മരണനിരക്ക് ഉയർന്നിട്ടില്ലെന്നും മന്ത്രി വ്യക്‌തമാക്കി. കോഴിക്കോട് കേന്ദ്രമായാണ് കൂടുതൽ ഗവേഷണം നടക്കുന്നത്. സംസ്‌ഥാനത്ത്‌ കണ്ടെത്തിയ വൈറസിന്റെ വ്യാപന ശേഷി എത്രത്തോളമാണ് എന്നതിൽ വ്യക്‌തതയില്ല. യുകെയിൽ കണ്ടെത്തിയ കോവിഡ് വകഭേദം ആണോ എന്നറിയാൻ ബ്രിട്ടണിൽ നിന്നെത്തി കോവിഡ് പോസിറ്റീവ് ആയ എട്ട് പേരുടെ സാമ്പിളുകൾ കൂടുതൽ പരിശോധനക്കായി പൂനെ ഇൻസ്‌റ്റിറ്റൃൂട്ടിലേക്ക് അയച്ചിട്ടുണ്ടെന്നും മന്ത്രി അറിയിച്ചു.
Also Read: ലീഗിന്റെ അക്രമ രാഷ്‌ട്രീയത്തിന്റെ അവസാന ഇരയാണ് ഔഫ്; കെടി ജലീൽ
