ഇസ്താംബുൾ: ഫോർമുല വണ്ണിൽ ഏഴാം കിരീട നേട്ടവുമായി ലൂയിസ് ഹാമിൽട്ടൺ. ടർക്കിഷ് ഗ്രാൻപ്രിയിൽ ജേതാവായതോടെ മെഴ്സിഡസ് താരം മൈക്കൽ ഷൂമാക്കറിന്റെ 7 ഡ്രൈവേഴ്സ് കിരീടമെന്ന റെക്കോർഡിനൊപ്പം ഹാമിൽട്ടണും എത്തി. ഈ സീസണിൽ മൂന്ന് ഗ്രാൻപ്രികൾ കൂടി ബാക്കിനിൽക്കേയാണ് ഹാമിൽട്ടന്റെ കിരീടനേട്ടം.
7 World titles. 2 Legendary drivers. pic.twitter.com/FsXcbi41A2
— Formula 1 (@F1) November 15, 2020
ആറാമനായി തുടങ്ങിയ ഹാമിൽട്ടൺ ഈർപ്പം തങ്ങിയ കാലാവസ്ഥയിൽ തന്റെ ക്ളാസ് തെളിയിച്ചാണ് വിജയം സ്വന്തമാക്കിയത്. ഹാമിൽട്ടന്റെ കരിയറിലെ 94മത് കിരീട നേട്ടമാണിത്. 2008ലായിരുന്നു ഹാമിൽട്ടന്റെ ആദ്യ ജയം. 2014, 2015, 2017, 2018, 2019 വർഷങ്ങളിലും കിരീടം നേടി. 1994,1995, 2000, 2001, 2002, 2003, 2004 വർഷങ്ങളിലാണ് ജർമ്മൻ താരം ഷൂമാക്കർ വിജയം സ്വന്തമാക്കിയത്.
ഏറ്റവും കൂടുതൽ വിജയങ്ങൾ (94), പോൾ പൊസിഷനുകൾ (97), ഏറ്റവും കൂടുതൽ പോഡിയം ഫിനിഷുകൾ തുടങ്ങി നിരവധി റെക്കോർഡുകളാണ് ഹാമിൽട്ടന്റെ പേരിലുള്ളത്. അടുത്തിടെ നടന്ന പോർച്ചുഗീസ് ഗ്രാൻപ്രിയിലാണ് ഷൂമാക്കറുടെ പേരിലുണ്ടായിരുന്ന ഏറ്റവും കൂടുതൽ വിജയങ്ങളുടെ റെക്കോർഡ് (91) താരം തിരുത്തിയത്. 53 വിജയങ്ങളുമായി സെബാസ്റ്റ്യൻ വെറ്റലാണ് ഇരുവർക്കും പുറകിലുള്ളത്.
“Dream the impossible, and speak it into existence.”#HAMIL7ON ?? pic.twitter.com/YJn29glvt5
— Mercedes-AMG PETRONAS F1 Team (@MercedesAMGF1) November 15, 2020
ഇസ്താംബൂളിൽ ജയിച്ചതോടെ തൊട്ടടുത്ത എതിരാളിയായ സഹതാരം വാൽട്ടേരി ബോട്ടാസിനെ ബഹുദൂരം പിന്നിലാക്കിയാണ് ഹാമിൽട്ടൺ കിരീടമുറപ്പിച്ചത്. തുർക്കിയിൽ ബോട്ടാസിന് 14ആം സ്ഥാനമാണ് ലഭിച്ചത്. ഈ സീസണിലെ 14 റേസുകളിൽ 10 വിജയങ്ങളും തന്റെ പേരിലാക്കിയാണ് ഹാമിൽട്ടന്റെ വിജയകുതിപ്പ്. ബഹ്റൈൻ, അബുദാബി ഗ്രാൻപ്രികളാണ് ഇനി നടക്കാനിരിക്കുന്നത്.
Read also: ബാഴ്സ വിടാനുള്ള തീരുമാനത്തിലുറച്ച് മെസി; പകരക്കാരനായി നെയ്മർ എത്തിയേക്കും