തിരുവനന്തപുരം: പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച 71കാരനും മകനും അറസ്‌റ്റില്‍. കുടയാല്‍ സ്വദേശികളായ ബാലരാജ് (71) ഇയാളുടെ മകന്‍ രാജ് (45) എന്നിവരാണ് വെള്ളറട പോലീസിന്റ പിടിയിലായത്. നെയ്യാറ്റിന്‍കര വെള്ളറടയിലാണ് സംഭവം.
രാജിന്റെ ഭാര്യയുടെ ബന്ധുവിന്റെ പതിനൊന്നും ഏഴും വയസ് പ്രായമുള്ള പെണ്‍കുട്ടികളെയാണ് ഇവര്‍ ലൈംഗികമായി ചൂഷണം ചെയ്‌തത്. ചൈല്‍ഡ് ലൈനില്‍ കുട്ടികളുടെ രക്ഷിതാക്കള്‍ നല്‍കിയ പരാതിയുടെ അടിസ്‌ഥാനത്തില്‍ ആണ് പ്രതികളെ അറസ്‌റ്റ് ചെയ്‌തത്.
കുട്ടികളുടെ പെരുമാറ്റത്തിലെ മാറ്റവും ശരീരത്തിലെ മുറിപ്പാടുകളും ശ്രദ്ധയില്‍പെട്ട രക്ഷിതാക്കള്‍ ഡോക്‌ടറെ സമീപിച്ചതോടെയാണ് പീഢന വിവരം പുറത്തറിയുന്നത്. കുട്ടികളെ പരിശോധിച്ച ഡോക്‌ടര്‍ക്ക് സംശയം തോന്നുകയും കുട്ടികളില്‍ നിന്നും വിവരങ്ങള്‍ മനസ്സിലാക്കി ചൈല്‍ഡ് ലൈനെ സമീപിക്കുകയും ആയിരുന്നു. പിടിയിലായ പ്രതികളെ നെയ്യാറ്റിന്‍കര കോടതിയില്‍ ഹാജരാക്കി.
Read Also: മഹാരാഷ്‍ട്രയില്‍ കുഞ്ഞുങ്ങള്‍ വെന്തുമരിച്ച സംഭവം; എഫ്ഐആര്‍ പോലും സമര്‍പ്പിക്കാതെ പോലീസ്
