കോഴിക്കോട്: സ്‌ത്രീവിരുദ്ധ പരാമർശത്തിന്റെ പേരിൽ വനിതാ കമ്മീഷനിൽ പരാതി നൽകിയതിന് പിന്നാലെ എംഎസ്എഫ് വനിതാ വിഭാഗമായ ഹരിതയെ മരവിപ്പിച്ചതിൽ പ്രതികരണവുമായി എംകെ മുനീർ എംഎൽഎ. ഹരിത നേതാക്കൾ ചർച്ചയ്‌ക്ക്‌ തയ്യാറാവണം എന്ന് എംകെ മുനീർ കോഴിക്കോട് വച്ച് മാദ്ധ്യമങ്ങളോട് പറഞ്ഞു.
സന്തുലിതമായ തീരുമാനമെടുത്ത് മാത്രമേ പാർട്ടിക്ക് മുന്നോട്ട് പോവാൻ കഴിയൂ. ചർച്ചയുടെ വാതിൽ ആരുടെ മുന്നിലും അടച്ചിട്ടില്ലെന്നും പ്രശ്‌നങ്ങൾ പരിഹരിക്കുമെന്നും എംകെ മുനീർ പറഞ്ഞു. ശത്രുക്കളുടെ മുന്നിൽ എറിഞ്ഞിട്ട് കൊടുക്കുന്ന നിലപാട് ഉണ്ടാവാൻ പാടില്ലായിരുന്നു.
എല്ലാവരുടെയും മുന്നിൽ ഇരയായി നിൽക്കുന്നത് മുസ്‌ലിം ലീഗാണ്. ഹരിത നേതാക്കൾ കേസിന് പോയതിലൊന്നും തെറ്റ് പറയുന്നില്ല. അവരോട് സംസാരിച്ചതാണ്. തൃപ്‌തികരമായ തീരുമാനം ഉണ്ടാവാത്തത് കൊണ്ടാവും കേസിന് പോയതെന്നും എംകെ മുനീർ ചൂണ്ടിക്കാട്ടി.
Read Also: കാട്ടുപന്നിയിടിച്ച് ബൈക്ക് അപകടം; ഗവൺമെന്റ് ഉദ്യോഗസ്‌ഥന് ഗുരുതര പരിക്ക്
