തിരുവനന്തപുരം: ഹലാല് ഭക്ഷണം സംബന്ധിച്ച് നടത്തിയ വിദ്വേഷ പ്രസംഗത്തില് ബിജെപി സംസ്ഥാന അധ്യക്ഷന് കെ സുരേന്ദ്രനെതിരെ കേസ്. വെല്ഫെയര് പാര്ട്ടി തിരുവനന്തപുരം ജില്ലാ ജനറല് സെക്രട്ടറി അഡ്വ. അനില്കുമാർ നല്കിയ പരാതിയിലാണ് നടപടി. സെക്രട്ടേറിയേറ്റിന് മുന്നില് നവംബര് 17ന് നടത്തിയ വിദ്വേഷ പ്രസംഗത്തിന് എതിരെ ആയിരുന്നു പരാതി.
സുരേന്ദ്രന്റെ പ്രസംഗം മതസ്പർദ്ധ വളര്ത്തുന്നതും വര്ഗീയ കലാപത്തിന് ആഹ്വാനം ചെയ്യുന്നതുമായിരുന്നെന്ന് ചൂണ്ടിക്കാട്ടിയാണ് പരാതി നല്കിയിരിക്കുന്നത്. നവംബര് 17നാണ് സെക്രട്ടേറിയേറ്റിന് മുന്നില് ഹലാല് ഭക്ഷണത്തിനെതിരെ സുരേന്ദ്രന് വിദ്വേഷ പരാമര്ശം നടത്തിയത്. ഭക്ഷണത്തില് മന്ത്രിക്കുന്ന വീഡിയോ സമൂഹ മാദ്ധ്യമങ്ങളിലൂടെ പങ്കുവെച്ച് മുസ്ലിം ഹോട്ടലുകളില് ഭക്ഷണത്തില് തുപ്പിയാണ് വിതരണം ചെയ്യുന്നത് എന്നതടക്കമുള്ള പരാമര്ശങ്ങളും സുരേന്ദ്രന് നടത്തിയിരുന്നു.
Read also: ലിംഗഭേദം ഇല്ലാത്ത യൂണിഫോം; പ്രതിഷേധം ശക്തമാക്കി എംഎസ്എഫ്