വാഷിംഗ്ടൺ: കോവിഡിനെതിരായ പോരാട്ടത്തില് ഇന്ത്യയ്ക്കൊപ്പം നിൽക്കുമെന്ന് അമേരിക്കന് വൈസ് പ്രസിഡണ്ട് കമലാ ഹാരിസ്. ഇന്ത്യയിലെ കോവിഡ് മരണങ്ങള് ഹൃദയഭേദകമാണെന്നും പ്രിയപ്പെട്ടവര് നഷ്ടമായവരുടെ വേദനയ്ക്കൊപ്പം തങ്ങള് എന്നുമുണ്ടാകുമെന്നും കമല ഹാരിസ് പറഞ്ഞു.
ഓക്സിജന് ഉപകരണങ്ങളും മരുന്നുകളും മാസ്കുകളും കൂടുതലായി എത്തിക്കും. ഇന്ത്യ ഉൾപ്പടെ ആവശ്യമുള്ള എല്ലാ രാജ്യങ്ങൾക്കും വാക്സിന് അതിവേഗം ലഭിക്കാന് കോവിഡ് വാക്സിനുകള്ക്ക് പേറ്റന്റ് ഒഴിവാക്കുന്നതിന് അമേരിക്ക പിന്തുണ നല്കും. ആദ്യ ഘട്ടത്തില് അമേരിക്ക ബുദ്ധിമുട്ടിയപ്പോള് ഇന്ത്യ സഹായം എത്തിച്ചു. ഇപ്പോള് ഇന്ത്യയെ തിരിച്ചു സഹായിക്കുമെന്നും കമല ഹാരിസ് പറഞ്ഞു.
Read also: സെൻട്രൽ വിസ്താ നിർമാണം തടയണം; ഇടപെടില്ലെന്ന് സുപ്രീം കോടതി, ഹൈക്കോടതിയെ സമീപിക്കാൻ നിർദ്ദേശം