തിരുവനന്തപുരം: സംസ്ഥാനത്ത് ഈ മാസം 26 വരെ ശക്‌തമായ മഴയുണ്ടാകുമെന്ന് കാലാവസ്‌ഥാ കേന്ദ്രത്തിന്റെ മുന്നറിയിപ്പ്. മഴക്കൊപ്പം 40 കിലോമീറ്റര്‍ വരെ വേഗതയില്‍ കാറ്റ് വീശാനും ഇടിമിന്നലിനും സാധ്യതയുണ്ട്. നാളെ തിരുവനന്തപുരം മുതൽ എറണാകുളം വരെയുള്ള ഏഴ് ജില്ലകളില്‍ യെല്ലോ അലര്‍ട്ടുണ്ട്.
അതേസമയം തിരുവനന്തപുരത്ത് രണ്ട് ദിവസമായി ഇടവിട്ട ശക്‌തമായ മഴ തുടരുകയാണ്. അരുവിക്കര ഡാമിന്റെ 2 ഷട്ടറുകൾ തുറന്നത് ഒന്നര മീറ്റർ ആക്കി വീണ്ടും ഉയർത്തി. രണ്ട് ദിവസമായി തുടരുന്ന മഴയില്‍ അമ്പൂരിയില്‍ മണ്ണിടിച്ചിലുണ്ടായി. മണ്ണിടിച്ചിലില്‍ നിരവധി വീടുകള്‍ക്ക് കേടുപാടുകൾ സംഭവിച്ചിട്ടുണ്ട്.
Also Read: ബ്ളാക്ക് ഫംഗസ്; സംസ്ഥാനത്ത് നാല് പേർ മരിച്ചു
