തിരുവനന്തപുരം: തെക്കൻ ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്രമായതായി കാലാവസ്‌ഥാ നിരീക്ഷണ കേന്ദ്രം. നിലവിൽ ശ്രീലങ്കയ്‌ക്ക്‌ 470 കിലോമീറ്റർ അകലെ തെക്ക്-തെക്കു കിഴക്കായും, തമിഴ്നാട് നാഗപ്പട്ടണത്തിന് 760 കിലോമീറ്റർ അകലെ തെക്ക്-തെക്കു കിഴക്കായും ചെന്നൈയ്‌ക്ക്‌ 950 കിലോമീറ്റർ അകലെ തെക്ക്-തെക്കു കിഴക്കായുമാണ് തീവ്ര ന്യൂനമർദ്ദം സ്‌ഥിതി ചെയ്യുന്നത്.
അതേസമയം ന്യൂനമർദ്ദം തീവ്രമായതോടെ സംസ്‌ഥാനത്ത് ശക്‌തമായ മഴയ്‌ക്ക്‌ സാധ്യതയുണ്ട്. മാർച്ച് 5, 6, 7 തീയതികളിലായി സംസ്‌ഥാനത്ത് ഒറ്റപ്പെട്ട ശക്‌തമായ മഴ ഉണ്ടാകാൻ സാധ്യതയുണ്ടെന്നാണ് കാലാവസ്‌ഥാ നിരീക്ഷണ കേന്ദ്രം വ്യക്‌തമാക്കുന്നത്‌.
കൂടാതെ നിലവിൽ തീവ്രമായി മാറിയ ന്യൂനമർദ്ദം അടുത്ത 24 മണിക്കൂറിൽ അതി തീവ്ര ന്യൂനമർദ്ദമായി മാറാനും, തുടർന്ന് വടക്ക് പടിഞ്ഞാറ് ദിശയിൽ സഞ്ചരിച്ച് ശ്രീലങ്കയുടെ കിഴക്കൻ തീരം വഴി തമിഴ്നാടിന്റെ വടക്കൻ തീരത്തേക്ക് നീങ്ങാനും സാധ്യതയുണ്ടെന്ന് അധികൃതർ വ്യക്‌തമാക്കി.
Read also: യുക്രൈനിൽ നിന്ന് 19 വിമാനങ്ങൾ ഇന്നെത്തും; കേരളത്തിലേക്ക് മൂന്ന് സർവീസുകൾ
