കോഴിക്കോട്: സംസ്‌ഥാനത്ത് കനത്ത മഴ തുടരുകയാണ്. നിലവിൽ വടക്കൻ കേരളത്തിലാണ് ശക്‌തമായ മഴ തുടരുന്നത്. കൂടാതെ തീരപ്രദേശങ്ങളിൽ കടലാക്രമണവും ശക്‌തമായി തുടരുകയാണ്. മഴ ശക്‌തമായി തുടരുന്നതിനാൽ കക്കയം ഡാമിന്റെ ഷട്ടറുകൾ ഉയർത്തി കൂടുതൽ ജലം ഒഴുക്കി വിടുന്നതായും അധികൃതർ അറിയിച്ചു.
ഇന്ന് രാവിലെ മുതൽ കോഴിക്കോട്, തൃശൂർ ജില്ലകളിൽ കനത്ത മഴയാണ് പെയ്യുന്നത്. കോഴിക്കോട് ജില്ലയിലെ മാവൂരിലാണ് ഏറെ മഴക്കെടുതികൾ ഉണ്ടായത്. ചാലിയാര്‍ പുഴയില്‍ ജലനിരപ്പ് ഉയര്‍ന്നതോടെ നിരവധി വീടുകളില്‍ വെള്ളം കയറിയിട്ടുണ്ട്. കൂടാതെ ധാരാളം കൃഷിനാശവും ഇതിനോടകം റിപ്പോർട് ചെയ്‌തിട്ടുണ്ട്‌.
കൂടാതെ കക്കയം ഡാമിൽ നിന്നും കൂടുതൽ ജലം ഒഴുക്കിവിടുന്ന സാഹചര്യത്തിൽ കുറ്റ്യാടി പുഴയുടെ തീരങ്ങളിൽ താമസിക്കുന്ന ആളുകൾക്ക് ജാഗ്രത നിർദ്ദേശം നൽകിയിട്ടുണ്ട്. തൃശൂരിൽ ഉണ്ടായ കനത്ത മഴയിലും കാറ്റിലും 5 വീടുകൾ പൂർണമായും, 98 വീടുകൾ ഭാഗികമായും തകർന്നിട്ടുണ്ട്. ഒപ്പം തന്നെ മലപ്പുറം, പാലക്കാട് ജില്ലകളിലും കനത്ത മഴ തുടരുകയാണ്.
Read also: സംവിധായകൻ കെപി കുമാരന് ജെസി ഡാനിയേൽ പുരസ്‌കാരം
