തിരുവനന്തപുരം : സംസ്‌ഥാനത്തിന്റെ വിവിധ ഭാഗങ്ങളിൽ ശക്‌തമായ മഴ തുടരുന്നു. ഇതേ തുടർന്ന് 5 ജില്ലകളിൽ ഇന്ന് യെല്ലോ അലർട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി എന്നീ ജില്ലകളിലാണ് ഇന്ന് യെല്ലോ അലർട്. കൂടാതെ ശക്‌തമായ മഴ തുടരുന്ന സാഹചര്യത്തിൽ നാളെ കോട്ടയം, ഇടുക്കി, പത്തനംതിട്ട, ആലപ്പുഴ എന്നീ ജില്ലകളിലും യെല്ലോ അലർട് പ്രഖ്യാപിച്ചിട്ടുണ്ട്.
അതേസമയം ചുഴലിക്കാറ്റായി ശക്‌തി പ്രാപിക്കാനിടയുള്ള ന്യൂനമർദ്ദം ബംഗാൾ ഉൾക്കടലിൽ ഇന്നു രൂപപ്പെടും. ഇത് 24ആം തീയതിയോടെ ചുഴലിക്കാറ്റായി മാറുമെന്നാണ് വിലയിരുത്തുന്നത്. ചുഴലിക്കാറ്റായി മാറുന്ന ഈ ന്യൂനമർദ്ദം ഒഡീഷ-ബംഗാൾ തീരത്തേക്ക് കയറുമെന്നും, ഇതേ തുടർന്ന് കേരളത്തിലും ശക്‌തമായ മഴ ഉണ്ടാകാനുള്ള സാധ്യതയുണ്ടെന്നും കാലാവസ്‌ഥാ നിരീക്ഷകർ വിലയിരുത്തി.
കൂടാതെ യാസ് ചുഴലിക്കാറ്റിന്റെ വരവോടെ ഇത്തവണ കേരളത്തിൽ കാലവർഷം നേരത്തെ എത്തുമെന്നും, ഇതിനിടെ ആൻഡമാനിൽ എത്തിയ കാലവർഷം 26ആം തീയതിയോടെ ശ്രീലങ്കയിലും തുടർന്ന് കേരളത്തിലും എത്തുമെന്നും കാലാവസ്‌ഥാ നിരീക്ഷണ കേന്ദ്രം വ്യക്‌തമാക്കി.
Read also : ലക്ഷദ്വീപില്‍ ഫാസിസ്‌റ്റ് വൽക്കരണം: പ്രതിരോധിക്കുന്നവരെ വേട്ടയാടുന്നു; സംവിധായിക ഐഷ സുല്‍ത്താന
