ശ്രീനഗര്‍: ജമ്മു കശ്‌മീരില്‍ ശക്‌തമായ മഞ്ഞു വീഴ്‌ച മൂലം ഞായറാഴ്‌ച രണ്ടു പേര്‍ മരണപ്പെട്ടു. ഇരുവരെയും വടക്കന്‍ കശ്‌മീരിലെ കുപ്‌വാരയില്‍ മിനി ട്രക്കിനുള്ളിലാണ് മരിച്ച നിലയില്‍ കണ്ടെത്തിയത്. ജമ്മു-ശ്രീനഗര്‍ പാതയില്‍ ജവഹര്‍ ടണലിന് ചുറ്റുമുള്ള മഞ്ഞുവീഴ്‌ചയില്‍ ഇവര്‍ കുടുങ്ങുകയായിരുന്നു.
അതേസമയം സംഭവത്തില്‍ വന്‍ പ്രതിഷേധവുമായി നാട്ടുകാരും ഡ്രൈവര്‍മാരും രംഗത്തെത്തി. സര്‍ക്കാരാണ് ഇരുവരുടെയും മരണത്തിന് ഉത്തരവാദികള്‍ എന്നാണ് നാട്ടുകാരുടെയും ഡ്രൈവര്‍മാരുടെയും ആരോപണം. പ്രതിഷേധത്തിനിടെ ജനക്കൂട്ടം പോലീസിനു നേരെ കല്ലെറിയുകയും ചെയ്‌തു.
നിലവില്‍ കനത്ത മഞ്ഞുവീഴ്‌ച മൂലം സംസ്ഥാനത്തിന്റെ വിവിധയിടങ്ങളില്‍ റോഡ് ഗതാഗതം തടസപ്പെട്ടിരിക്കുന്ന അവസ്‌ഥയാണ്.
Read Also: മുല്ലപ്പെരിയാർ ഉൾപ്പടെ 1115 ഇന്ത്യൻ ഡാമുകളുടെ കാലാവധി 2025ൽ തീരും; യുഎൻ റിപ്പോർട്ട്
