ഡെല്‍ഹി: രാജ്യ തലസ്‌ഥാനത്തെ അന്താരാഷ്‌ട്ര വിമാനത്താവളത്തില്‍ ഹെറോയിനുമായി വിദേശ വനിത അറസ്‌റ്റില്‍. അന്താരാഷ്‌ട്ര വിപണിയില്‍ 14.4 കോടി രൂപ വിലമതിക്കുന്ന ഹെറോയിന്‍ ആണ് യുവതിയില്‍ നിന്ന് പിടിച്ചെടുത്തത്.
കസ്‌റ്റംസ്‌ നടത്തിയ പരിശോധനയിലാണ് 2 കിലോഗ്രാം ഹെറോയിനുമായി ഉഗാണ്ട സ്വദേശിനി അറസ്‌റ്റിലായത്. ദുബായില്‍ നിന്നാണ് ഉഗാണ്ട സ്വദേശിനിയായ യുവതി ഡെല്‍ഹിയിലെത്തിയത്. സംശയം തോന്നിയ കസ്‌റ്റംസ്‌ ഉദ്യോഗസ്‌ഥര്‍ ബാഗ് പരിശോധിക്കുകയായിരുന്നു.
കഴിഞ്ഞ 19ന് അന്താരാഷ്‌ട്ര വിപണിയില്‍ ഏകദേശം 15 കോടി വിലമതിക്കുന്ന ഹെറോയിനുമായി ജയ്‌പൂര്‍ അന്താരാഷ്‌ട്ര വിമാനത്താവളത്തില്‍ നിന്ന് കെനിയ സ്വദേശിനിയെ കസ്‌റ്റംസ്‌ പിടികൂടിയിരുന്നു. രണ്ട് കിലോ ഹെറോയിനാണ് ഇവരുടെ കൈയ്യില്‍ നിന്ന് കസ്‌റ്റംസ്‌ പിടിച്ചെടുത്തത്.
Read Also: ഒമൈക്രോൺ; മുംബൈയിൽ നിയന്ത്രണങ്ങൾ കൂടുതൽ കർശനമാക്കി
