ന്യൂഡെൽഹി: ഡെൽഹി ഇന്ദിരാഗാന്ധി അന്താരാഷ്‌ട്ര വിമാനത്താവളത്തിൽ വൻ കൊക്കെയ്ൻ വേട്ട. 15 കോടി രൂപ വിലമതിക്കുന്ന ഒരു കിലോഗ്രാം കൊക്കെയ്ൻ ആണ് കസ്‌റ്റംസ്‌ പിടിച്ചെടുത്തത്. കള്ളക്കടത്തിൽ സിംബാബ്‍വെ സ്വദേശിനിയായ യുവതിയെ അറസ്‌റ്റ് ചെയ്‌തു. നർകോട്ടിക് ഡ്രഗ്‌സ് ആൻഡ്‌ സൈക്കോട്രോപിക് സബ്സ്‌റ്റാൻസസ്(എൻഡിപിഎസ്) ആക്‌ട് പ്രകാരമാണ് അറസ്‌റ്റ്.
അഡിസ് അബാബയിൽ നിന്ന് ഇടി-688 വിമാനത്തിലാണ് യുവതി ഡെൽഹിയിൽ എത്തിയത്. 1015 ഗ്രാം കൊക്കെയ്ൻ ആണ് ഡെൽഹി എയർപോർട് കസ്‌റ്റംസ്‌ യുവതിയുടെ പക്കലിൽ നിന്നും പിടിച്ചെടുത്തത്. ചെരിപ്പിനുള്ളിലാണ് മയക്കുമരുന്ന് ഒളിപ്പിച്ചതെന്നാണ് വിവരം.
അതേസമയം, ഈ മാസം 13ന് വിയറ്റ്‌നാമിൽ നിന്നെത്തിയ ഇന്ത്യൻ ദമ്പതികളെയും കസ്‌റ്റംസ്‌ അറസ്‌റ്റ് ചെയ്‌തിരുന്നു. ഇവരുടെ ബാഗുകളിൽ നിന്ന് 22 ലക്ഷം രൂപ വിലമതിക്കുന്ന 45 തോക്കുകളാണ് പിടികൂടിയത്.
Most Read: അട്ടപ്പാടി മധു വധക്കേസ്; 14ആം സാക്ഷിയും കൂറുമാറി
