കൊൽക്കത്ത: ഐലീഗിൽ ഗോകുലം കേരളയ്‌ക്ക് ഇന്ന് മൂന്നാം മൽസരം. റിയൽ കശ്‌മീർ എഫിയാണ് ഗോകുലത്തിന്റെ എതിരാളികൾ. വൈകീട്ട് 4.30ന് കൊൽക്കത്തയിലെ കല്യാണി സ്‌റ്റേഡിയത്തിലാണ് മൽസരം നടക്കുക. രണ്ട് മൽസരങ്ങളിൽ ഒരു ജയവും ഒരു സമനിലയുമായി 4 പോയിന്റുള്ള ഗോകുലം പോയിന്റ് പട്ടികയിൽ മൂന്നാം സ്‌ഥാനത്താണ്.
ആദ്യ കളിയിൽ ചർച്ചിൽ ബ്രദേഴ്‌സിനെ മറുപടിയില്ലാത്ത ഒരു ഗോളിനു വീഴ്‌ത്തിയ ഗോകുലം രണ്ടാം മൽസരത്തിൽ നെറോക്ക എഫ്‍സിക്കെതിരെ ഗോൾരഹിത സമനില വഴങ്ങി. ഐഎഫ്എ ഷീൽഡ് സെമിഫൈനലിൽ തങ്ങളെ ഒന്നിനെതിരെ രണ്ട് ഗോളുകൾക്ക് പരാജയപ്പെടുത്തിയ റിയൽ കശ്‌മീരിനോടുള്ള കടം വീട്ടുക എന്നതാവും ഇന്ന് ഗോകുലത്തിന്റെ ലക്ഷ്യം.
Read Also: ഗൂഢാലോചന കേസ്; നിർമ്മാതാവ് റോഷൻ ചിറ്റൂരിനെ ചോദ്യം ചെയ്യുന്നു
