കോഴിക്കോട്: മിഠായി തെരുവിൽ അനധികൃത നിർമാണങ്ങൾ വ്യാപകമായതായി റിപ്പോർട്. മിഠായി തെരുവിലെ തീപിടുത്തത്തിന്റെ പശ്‌ചാത്തലത്തിൽ പോലീസിന്റെ സ്‌പെഷ്യൽ ബ്രാഞ്ച് നടത്തിയ പരിശോധനയിലാണ് അനധികൃത നിർമാണങ്ങൾ നടക്കുന്നതായി കണ്ടെത്തിയത്. പരിശോധനാ റിപ്പോർട് കളക്‌ടർക്ക് ഉടൻ സമർപ്പിക്കും.
മിഠായി തെരുവിന് സമീപം മൊയ്‌തീൻ പള്ളി റോഡിലെ തീപിടുത്തത്തിന് പിന്നാലെയായിരുന്നു പോലീസ് പരിശോധന നടത്തിയത്. പരിശോധനയിൽ കണ്ടെത്തിയത് ഏറെയും നിയമലംഘനങ്ങളാണ്. മിക്ക കടകളും മാനദണ്ഡങ്ങൾ പാലിക്കാതെയാണ് പ്രവർത്തിക്കുന്നതെന്ന് കണ്ടെത്തി. കൂടാതെ, വൈദ്യുത സംവിധാനങ്ങൾ കൃത്യമായി പ്രവർത്തിക്കുന്നില്ലെന്നും കണ്ടെത്തിയിട്ടുണ്ട്.
സ്‌പെഷ്യൽ ബ്രാഞ്ച് എസിപി എ ഉമേഷാണ് പരിശോധനാ റിപ്പോർട് തയ്യാറാക്കിയത്. റിപ്പോർട് കമ്മീഷണർക്ക് കൈമാറി. ഈ റിപ്പോർട് കളക്‌ടർക്കും കോർപറേഷൻ മേയർക്കും അഗ്‌നിരക്ഷാ സേനയ്‌ക്കും ഉടൻ കൈമാറും. ഇതിന് ശേഷമായിരിക്കും റിപ്പോർട്ടിന്റെ അടിസ്‌ഥാനത്തിൽ ഏത് തരത്തിലുള്ള നടപടി സ്വീകരിക്കണമെന്ന് തീരുമാനിക്കുക.
Most Read: ഇടമലയാർ അണക്കെട്ട്; കൂടുതൽ ഷട്ടറുകൾ ഉയർത്തേണ്ട സാഹചര്യമില്ലെന്ന് അധികൃതർ
