കണ്ണൂർ: നിയമസഭാ തിരഞ്ഞെടുപ്പ് വോട്ടെണ്ണല് തുടങ്ങി ആദ്യ മണിക്കൂറിൽ സംസ്ഥാനത്ത് എൽഡിഎഫിന് മേൽക്കൈ. ധർമ്മടത്ത് പിണറായി വിജയന് 550ലധികം വോട്ടുകൾക്ക് ലീഡ് ചെയ്യുകയാണ്. തപാല് വോട്ടുകളില് നിന്നുള്ള ആദ്യ ഫലസൂചനകള് പുറത്തുവരുമ്പോള് 65 നിയോജക മണ്ഡലങ്ങളില് എല്ഡിഎഫും 47 ഇടങ്ങളില് യുഡിഎഫും ലീഡ് ചെയ്യുന്നു. നേമം നിയോജക മണ്ഡലത്തില് എന്ഡിഎ സ്ഥാനാർഥി കുമ്മനം രാജശേഖരനാണ് ലീഡ് ചെയ്യുന്നത്.
കണ്ണൂരില് യുഡിഎഫ് സ്ഥാനാർഥി സതീശന് പാച്ചേനിയാണ് ലീഡ് ചെയ്യുന്നത്. ഇരിക്കൂറിലും യുഡിഎഫ് ആണ് ലീഡ് ചെയ്യുന്നത്. വടകരയില് യുഡിഎഫ് പിന്തുണയോടെ മൽസരിച്ച ആർഎംപി സ്ഥാനാർഥി കെകെ രമയാണ് മുന്നില്. നൂറിലധികം വോട്ടുകള്ക്കാണ് രമ ലീഡ് ചെയ്യുന്നത്.
Also Read: ബംഗാളിൽ ശക്തമായ പോരാട്ടം; തൃണമൂല് കോണ്ഗ്രസ് മുന്നിൽ