തിരുവനന്തപുരം: മുഖ്യമന്ത്രിക്കെതിരെ വിമാനത്തില് നടന്ന പ്രതിഷേധവുമായി ബന്ധപ്പട്ട് യൂത്ത് കോണ്ഗ്രസ് വൈസ് പ്രസിഡണ്ട് കെഎസ് ശബരീനാഥിനെ ഇന്ന് ചോദ്യം ചെയ്യും. രാവിലെ പത്തിന് ശംഖുമുഖം അസി. കമ്മീഷണര് ഓഫിസിലാണ് ചോദ്യം ചെയ്യല്.
വിമാനത്തില് മുഖ്യമന്ത്രിക്കെതിരെ പ്രതിഷേധിക്കാനുള്ള ആഹ്വാനം യൂത്ത് കോണ്ഗ്രസ് വാട്സ്ആപ്പ് ഗ്രൂപ്പില് പങ്കുവച്ചത് ശബരീനാഥാണ് എന്ന തെളിവുകളുടെ അടിസ്ഥാനത്തിലാണ് ചോദ്യം ചെയ്യല്.
കണ്ണൂരില് നിന്ന് തിരുവനന്തപുരത്തേക്കുള്ള വിമാന യാത്രയില് മുഖ്യമന്ത്രിക്കെതിരെ യൂത്ത് കോണ്ഗ്രസ് നേതാക്കൾ പ്രതിഷേധിച്ചതും അക്രമം നടത്തിയതും വലിയ വിവാദമായിരുന്നു. വിമാനത്തിലെ പ്രതിഷേധത്തിന് നിര്ദ്ദേശം നല്കിയത് ശബരിനാഥാണെന്ന് വ്യക്തമാക്കുന്ന വാട്സ്ആപ്പ് സന്ദേശം കഴിഞ്ഞ ദിവസം പുറത്ത് വന്നിരുന്നു. ചോദ്യം ചെയ്യലിന് ഹാജരാകാൻ ആവശ്യപ്പെട്ട് നോട്ടീസ് നൽകിയത്.
Most Read: അഗ്നിപഥ്; ഹരജികൾ സുപ്രീം കോടതി ഇന്ന് പരിഗണിക്കും