കൊച്ചി: സംസ്ഥാനത്ത് ഈ മാസം ഇതുവരെ പെയ്തത് റെക്കോഡ് മഴ. നാലു മില്ലി മീറ്റര് പ്രതീക്ഷിച്ച സ്ഥാനത്ത് കഴിഞ്ഞ 16 ദിവസത്തിനിടെ 101 മില്ലി മീറ്റര് മഴയാണ് കേരളത്തില് പെയ്തത്.
കഴിഞ്ഞ 145 വര്ഷത്തെ ചരിത്രത്തില് ഇതാദ്യമായിട്ടാണ് ജനുവരിയില് ഇത്ര അധികം മഴ പെയ്തതെന്ന് വിദഗ്ധർ ചൂണ്ടിക്കാട്ടുന്നു. ഏറ്റവും കൂടുതല് മഴ പെയ്തത് പത്തനംതിട്ട ജില്ലയിലാണ്. തുടര്ന്നുള്ള ഏതാനും ദിവസങ്ങളിലും വൈകിട്ട് മഴ ഉണ്ടാകുമെന്നാണ് നിഗമനം.
സമുദ്ര കാലാവസ്ഥയിലുണ്ടായ മാറ്റമാണ് കനത്ത മഴക്ക് കാരണമെന്ന് കാലാവസ്ഥ ഗവേഷകര് പറയുന്നു. പസഫിക് സമുദ്രത്തിലുണ്ടായ ലാനിന (സമുദ്രം തണുക്കുന്നത്) പ്രതിഭാസമാണ് അപ്രതീക്ഷിത കാലാവസ്ഥാ മാറ്റത്തിന് വഴി തെളിച്ചത്. വടക്കു കിഴക്കന് മണ്സൂണ് ഡിസംബര് 31ന് ഒഴിഞ്ഞു പോയതിന് ശേഷമാണ് അപ്രതീക്ഷിത മഴ എത്തിച്ചേർന്നത്.
National News: മണിപ്പൂരിൽ രണ്ട് മാദ്ധ്യമ പ്രവർത്തകരെ രാജ്യദ്രോഹ കുറ്റം ചുമത്തി അറസ്റ്റ് ചെയ്തു