മുംബൈ: മഹാരാഷ്ട്രയിൽ നഗരവികസന കാര്യ മന്ത്രി ഏകനാഥ് ഷിന്ഡെക്ക് കൂടി കോവിഡ് ബാധ സ്ഥിരീകരിച്ചു. ഇതോടെ സംസ്ഥാനത്ത് രോഗബാധ കണ്ടെത്തിയ മന്ത്രിമാരുടെ എണ്ണം 13 ആയി. ട്വിറ്ററിലൂടെയാണ് അദ്ദേഹം തനിക്ക് രോഗം ബാധിച്ച വിവരം പുറത്തുവിട്ടത്. താനുമായി സമ്പര്ക്കത്തില് ഏര്പ്പെട്ട എല്ലാവരും നിരീക്ഷണത്തില് പോകണമെന്നും, പരിശോധന നടത്തണമെന്നും അദ്ദേഹം അഭ്യര്ത്ഥിച്ചു.
काल मी माझी कोव्हीड-१९ ची तपासणी करून घेतली असता ती पॉझिटिव्ह आली आहे. आपल्या सगळ्यांच्या आशीर्वादाने प्रकृती ठीक आहे. गेल्या काही दिवसांत माझ्या संपर्कात आलेल्या सर्वांनी योग्य ती काळजी घ्यावी आणि स्वतःची कोव्हीड चाचणी करून आवश्यक ती खबरदारी घ्यावी, ही विनंती…
— Eknath Shinde – एकनाथ शिंदे (@mieknathshinde) September 24, 2020
മൂന്നു ദിവസങ്ങള്ക്ക് മുന്പ് നടന്ന ക്യാബിനറ്റ് യോഗത്തില് അദ്ദേഹവും പങ്കെടുത്തിരുന്നു. മന്ത്രിമാരായ ജിതേന്ദ്ര അവഹാദ്, അശോക് ചവാന്, ധനജ്ഞയ് മുണ്ടെ, സുനില് കേദര്, ബാലാസഹേബ് പട്ടേല്, അസ്ലം ഷെയ്ഖ്, നിതിന് റവുത്ത്, ഹസന് മുഷ്രിഫ്, വര്ഷ ഗെയ്ക്ക്വാദ് എന്നിവര്ക്ക് കോവിഡ് ബാധ സ്ഥിരീകരിച്ചിരുന്നു.
മഹാരാഷ്ട്രയിലെ കോവിഡ് ബാധ വര്ദ്ധിക്കുകയാണ്. സംസ്ഥാനത്തെ ആകെ കോവിഡ് രോഗികളുടെ എണ്ണം 12,637,99 ആയി. 2,73,477 പേരാണ് നിലവില് ചികിത്സയിലുള്ളത്.
Read Also: ഡെല്ഹിയില് കോവിഡിന്റെ രണ്ടാം തരംഗം; അരവിന്ദ് കെജരിവാള്