തമിഴ്‌നാട്ടിൽ കൊലക്കേസ് പ്രതികളെ പോലീസ് വെടിവച്ചു കൊന്നു

By Desk Reporter, Malabar News
In Tamil Nadu, the accused in the murder case were shot dead by the police
Ajwa Travels

ചെന്നൈ: തമിഴ്‌നാട്ടിൽ കൊലക്കേസ് പ്രതികളെ പോലീസ് വെടിവച്ചുകൊന്നു. ചെങ്കൽപ്പേട്ട് ടൗൺ സ്‌റ്റേഷൻ പരിധിയിലാണ് സംഭവം. ദിനേശ്, മൊയ്‌തീൻ എന്നിവരാണ് മരിച്ചത്. പ്രതികൾ രക്ഷപ്പെടാൻ ശ്രമിച്ചപ്പോൾ വെടിവച്ചു എന്നാണ് പോലീസ് നൽകുന്ന വിശദീകരണം.

പോലീസ് സ്‌റ്റേഷന് സമീപം ഇന്നലെ രണ്ടുപേർ കൊല്ലപ്പെട്ടിരുന്നു. കാർത്തിക്, മഹേഷ് എന്നിവരാണ് ഇന്നലെ കൊല്ലപ്പെട്ടത്. വൈകിട്ട് 7.30ഓടെ കടയിൽ ചായ കുടിച്ചു കൊണ്ടിരുന്നപ്പോഴാണ് കാർത്തിക്കിന് നേരെ മൂന്നംഗ സംഘം നാടൻ ബോംബ് എറിഞ്ഞ് കൊലപ്പെടുത്തിയത്. ഇതേ സംഘം തന്നെ മഹേഷിന്റെ വീട്ടിൽ അതിക്രമിച്ച് കയറിയാണ് ഇയാളെ കൊലപ്പെടുത്തിയത്. ഈ കേസിൽ അറസ്‌റ്റിൽ ആയവരെയാണ് പോലീസ് ഇന്ന് വെടിവച്ച് കൊലപ്പെടുത്തിയത്.

ദിനേശും മൊയ്‌തീനും പോലീസിന് നേരെ ബോംബെറിഞ്ഞു എന്നും ഇതേ തുടർന്ന് ആത്‌മരക്ഷാർഥം വെടിവെക്കേണ്ടി വന്നു എന്നുമാണ് പോലീസ് ഭാഷ്യം. ചെങ്കൽപ്പേട്ട് ഇൻസ്‌പെക്‌ടർ രവിയുടെ നേതൃത്വത്തിലുള്ള പോലീസ് സംഘമാണ് ഏറ്റുമുട്ടൽ നടത്തിയത്. കൊല്ലപ്പെട്ട ദിനേശിന്റെ പേരിൽ ഒന്നും, മൊയ്‌തീന്റെ പേരിൽ മൂന്നും കൊലപാതക കേസുകളുണ്ട്.

Most Read:  നീറ്റ് പിജി കൗൺസിലിംഗ്; സുപ്രീം കോടതി അനുമതി നൽകി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE